Вы тут

Дзейнічаць згодна з адзіным планам


Прэзідэнт Рэспублікі Беларусь Аляксандр Лукашэнка 9 верасня сустрэўся з генеральным сакратаром Арганізацыі Дагавора аб калектыўнай бяспецы Мікалаем Бардзюжам, паведамілі БЕЛТА ў прэс-службе беларускага лідара.

На сустрэчы абмяркоўваліся пытанні падрыхтоўкі да маючай адбыцца 23 верасня ў Сочы сесіі Савета калектыўнай бяспекі АДКБ, а таксама беларуска-расійскага сумеснага стратэгічнага вучэння «Захад-2013».

«Я хацеў бы з вамі абмеркаваць шэраг пытанняў, якія, упэўнены, вас цікавяць. Гэта сустрэча кіраўнікоў дзяржаў АДКБ, якая адбудзецца ў апошняй дэкадзе верасня. І практычна ў гэты ж перыяд пройдзе вучэнне «Захад-2013», — адзначыў Прэзідэнт Беларусі.

Аляксандр Лукашэнка падкрэсліў, што хацеў бы пачуць меркаванне Мікалая Бардзюжы, а таксама кіраўнікоў дзяржаў, з якімі той сустракаўся, іх рэакцыю на ўсе актуальныя праблемы.

Кіраўнік дзяржавы падкрэсліў: «Апошнім часам у нас вельмі шмат інфармацыйных і іншых пытанняў у беларуска-расійскіх адносінах. Я гатовы абмеркаваць з вамі пытанні, якія могуць узнікаць у сувязі з гэтым, таму што апошні месяц выйшаў ужо занадта бурны ў нашых адносінах, маса непаразуменняў у гэтым плане, і я хацеў бы вас праінфармаваць і пачуць вашы ацэнкі».

Мікалай Бардзюжа дэталёва праінфармаваў Аляксандра Лукашэнку аб падрыхтоўцы да саміту АДКБ у Сочы. Паводле яго слоў, у цэлым парадак дня падрыхтаваны ўжо. У прыватнасці, на разгляд прэзідэнтаў плануецца вынесці некалькі вельмі важных пытанняў, якія датычацца развіцця сілавога складальніка з улікам сітуацыі ў свеце.

Прадугледжваецца, што прэзідэнты краін — членаў Арганізацыі разгледзяць пакет дакументаў па развіцці ваеннага складніка — гэта рашэнні і адносна стварэння авіяцыйных сіл АДКБ, і па арганізацыі кіравання калектыўнымі сіламі АДКБ.

Акрамя таго, плануецца, што кіраўнікам дзяржаў даложаць аб сітуацыі на таджыкска-афганскай граніцы і ўнясуць прапановы па павышэнні эфектыўнасці аховы граніц Таджыкістана і Афганістана. Група экспертаў з усіх дзяржаў АДКБ, у тым ліку Беларусі, азнаёмілася з аховай дзяржаўнай граніцы з Афганістанам, сістэмай і ўзроўнем аснашчанасці пагранічных войскаў Таджыкістана.

«Мы дэталёва разгледзелі сітуацыю, якая складваецца на граніцы, у цэлым на афганскім прыграніччы, тэндэнцыі развіцця абстаноўкі даволі негатыўныя. Па выніках зроблены вывад — неабходна аказаць дапамогу пагранічнікам Таджыкістана ў аснашчэнні, павышэнні эфектыўнасці аховы граніцы», — праінфармаваў Прэзідэнта Беларусі генеральны сакратар АДКБ.

Ён таксама адзначыў, што напярэдадні сустрэчы кіраўнікоў дзяржаў у Сочы адбудзецца сумеснае пасяджэнне Савета міністраў замежных спраў, Савета міністраў абароны, Камітэта сакратароў саветаў бяспекі АДКБ. Ужо ўхваленыя імі дакументы будуць прадстаўлены ўвазе прэзідэнтаў.

Аляксандр Лукашэнка і Мікалай Бардзюжа таксама прадметна абмеркавалі тэму падрыхтоўкі да беларуска-расійскага вучэння «Захад-2013», якое пройдзе ў канцы верасня. У вучэнні будуць задзейнічаны беларуска-расійская групоўка, а таксама некаторыя фарміраванні Калектыўных сіл аператыўнага рэагавання АДКБ. Прыбудзе кантынгент не толькі расійскіх Узброеных Сіл, але і ўзброеных сіл іншых краін — членаў АДКБ — Казахстана, Таджыкістана, Кыргызстана, Арменіі. Усе яны будуць дзейнічаць згодна з адзіным планам.

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»