Мінскае «Дынама» атрымала першую перамогу ў новым сезоне кантынентальнай хакейнай лігі.
Пасля двух стартавых паражэнняў «блакітна-белыя» прадэманстравалі, што ў сённяшняга калектыву з прагай да перамог усё добра. Паядынак з вядомым славацкім «Слованам», хакеістаў якога здавён называюць «бялявымі», мог для дынамаўцаў завяршыцца па-рознаму.
У кідках мінчане славакам саступілі (19:26), аднак здолелі не прапусціць і двойчы (Яфіменка і МакФлікер) паразіць вароты Міраслава Капржывы. «Трэба падзякаваць Ларсу Хаўгену (нарвежскі варатар «Дынама». — Аўт.) і спадарыні Фартуне, — прызнаўся пасля гульні задаволены лікам сустрэчы Аляксандр Андрыеўскі, галоўны трэнер мінчан. — У другім перыядзе мы крыху выраўнялі гульню і пачалі «чапляцца» за шайбу. У заключнай траціне матча скарысталіся памылкай абаронцаў «Слована» і закінулі шайбу. Дзякуй хлопцам, што вытрымалі». Свой наступны матч на «Мінск-Арэне» «зубры» правядуць ужо сёння. Гэтым разам іх чакае выпрабаванне пражскім «Львом». Пачатак гульні а 19:00.
Тарас ШЧЫРЫ
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.