Вы тут

Са святам не размінешся


У цэнтры ажыве гісторыя, а каля «Заходняга» заспявае Саладуха

Значная колькасць мерапрыемстваў, прымеркаваных да дня нараджэння Мінска, пройдзе 14 верасня на тэрыторыі Верхняга горада, а ўвогуле сёлетні Дзень горада вырашана перанесці з цэнтра ў раёны. Словам, дзе б ні апынуліся жыхары і госці сталіцы, са святам ім не размінуцца.

«Мой Мінск — мая сталіца, мой лёс, маё жыццё!» — так гучыць святочны дэвіз.

1379021623948_1

Па сутнасці, свята распачалося ўжо некалькі дзён таму — Тыднем беларускай кухні, які праходзіць на прадпрыемствах грамадскага харчавання Верхняга горада да 15 верасня. Мясцовыя рэстараны і кавярні на працягу 9 дзён прапануюць 6 нацыянальных страў, прыгатаваных па адзінай тэхналогіі і рэцэптуры — дранікі са смятанай, плато сялянскае, грыбная поліўка, бульбяная бабка, верашчака з грэцкімі блінамі і пячыста са свінога кумпяка. Што асабліва прыемна, кошт кожнай з іх аднолькавы для ўсіх устаноў.

— Каб закахацца ў родны горад канчаткова і беспаваротна, трэба паглядзець на яго з вышыні, — падумаў наш калектыў. І з вышыні палёту верталёта была зроблена фантастычнай прыгажосці фотасесія, якую можна ўбачыць на старонках газет «Минский курьер» і «Вечерний Минск», — расказвае генеральны дырэктар агенцтва «Минск-Новости» Кацярына ДУБІНСКАЯ. — Пабачыць фотаздымкі, атрымаць як мага больш поўную інфармацыю пра святкаванне Дня горада можна ў нумарах газет за 12 і 13 верасня.
Калі сказаць коратка, мінчане атрымалі сёлета ў падарунак шэраг новых і рэканструяваных сацыяльных аб'ектаў. На жаль, сярод іх пакуль няма вельмі маштабных адкрыццяў, але ўсё яшчэ наперадзе. На лістапад, скажам, запланавана адкрыццё гандлёва-забаўляльнага спартыўнага комплексу «Чыжоўка».

1379021626747_2

У выязным гандлі возьмуць удзел звыш 600 гандлёвых арганізацый і аб'ектаў грамадскага харчавання. Гандаль разгорнецца на больш як 30 пляцоўках горада ў месцах правядзення культурна-масавых і спартыўных мерапрыемстваў. Шэраг буйных крам парадуюць пакупнікоў зніжкамі.
Вядома, мінчанам хочацца, каб у іх горадзе былі нейкія асаблівыя, «фірмовыя» падзеі. Думаю, што гэта можа быць свята «Мінск гістарычны» з удзелам прадстаўнікоў рыцарскіх клубаў, якое адбудзецца на праспекце Пераможцаў з 11.30 да 22.00. Менавіта гэта падзея будзе праходзіць другі раз, і сёлетняя адметна тым, што да яе рыхтаваліся амаль цэлы год. Плануецца аднавіць і атмасферу сярэднявечча, і гераічную абстаноўку часоў Першай і Другой сусветных войнаў.
Наогул пачнуцца ўрачыстасці ўскладаннем а 11-й гадзіне кветак да абеліска «Мінск — горад-герой». Далей будуць закрыццё летняга турыстычнага сезона ў Верхнім горадзе «Музычны балкон», канцэрт «Музыка ў гарадскім інтэр'еры», кніжная выстава, дзіцячы мастацкі пленэр, ля Мінскай гарадской ратушы — музейная экспазіцыя «Картаграфічны кабінет», на любімай ужо многімі пешаходнай зоне вуліцы
К. Маркса — фінал тэатральнага праекта, урачыстая цырымонія яго закрыцця. На тэрыторыі комплексу «Студэнцкая вёска» — свята «Мінск моладзевы».
Сярод элітных мерапрыемстваў варта адзначыць падвядзенне ў Палацы прафсаюзаў вынікаў конкурсу «Мінскі майстар». 40 лепшых па прафесіі — гэта і токар, і маляр, і вадзіцель аўтобуса, і швачка, і афіцыянт, і бібліятэкар і г.д. — атрымаюць з рук мэра горада дыпломы і каштоўныя падарункі. А ў Нацыянальным акадэмічным Вялікім тэатры оперы і балета адбудзецца ўручэнне ўзнагарод «Мінчанам года». Імёны гэтых мінчан трымаюцца, вядома, пакуль у сакрэце. Паколькі на саму цырымонію можна будзе трапіць толькі па запрашэнні, для ўсіх іншых на плошчы ля тэатра будзе арганізаваны творчы праект у 3D-фармаце — у 21.30, 22.00, 22.30 і 23.00. У хуткім часе партрэты мінчан, якімі можа ганарыцца сталіца, з'явяцца на білбордах. Дарэчы, гучных імён сёлета фактычна няма, гэта проста дастойныя людзі, хоць пакуль і не вядомыя.
Кожны раён парадуе сваіх жыхароў уласнымі сюрпрызамі. У Ленінскім раёне — гэта свята народнай творчасці «Лошыцкі фэст», у Партызанскім раёне, у Цэнтральным дзіцячым парку імя М. Горкага, з 12.00 да 16.00 пройдзе фестываль духавых аркестраў. У Фрунзенскім на пляцоўцы ля рынку «Заходні» са святочным канцэртам выступіць Аляксандр Саладуха.

Р.S.

Больш падрабязны план мерапрыемстваў размешчаны на сайце Мінгарвыканкама. У месцах масавых гулянняў будуць распаўсюджвацца флаеры з планам-схемай запланаваных на 14 верасня падзей.

Святлана БАРЫСЕНКА.

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»