17 верасня на лядовай арэне ў парку Горкага распачнецца чарговы чэмпіянат Мінска па хакеі сярод аматарскіх камандаў. Ужо трынаццаты раз спаборніцтвы аб'яднаюць гульцоў рознага ўзросту і ўзроўню майстэрства. Нароўні з былымі хакеістамі, уладальнікамі разнастайных рэкордаў краіны, трэнерамі прафесійных клубаў за галоўны трафей будуць змагацца дэбютанты, якія ўпершыню ўзялі ў рукі клюшку ў сталым узросце.
Сёлета на лёд выйдуць 29 дружын. Сярод іх будуць і навічкі — каманды «Газпрамнафта», «Сокал» і «Раўбічы-Хуліганс». Дарэчы, упершыню гульні чэмпіянату пройдуць на новай лядовай пляцоўцы ў студэнцкай вёсцы.
Хакейны марафон будзе доўжыцца дзевяць месяцаў і фінішуе толькі ў сярэдзіне мая, своеасабліва перадаўшы эстафету галоўнай спартыўнай падзеі наступнага года — чэмпіянату свету па хакеі, які адбудзецца ў Мінску. А пакуль адкрыць праграму 13-га першынства беларускай сталіцы сярод аматараў давядзецца леташнім фіналістам — дружынам «Рубеж» і «Сталіца». Нагадаем, апошняя каманда будзе абараняць свой першы тытул пераможцы чэмпіянату. Прыходзьце падтрымаць гульцоў!
Дарына ЗАПОЛЬСКАЯ.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!