Вы тут

Футбол на фінішнай прамой


«Звязда» ўзгадвае самыя цікавыя спартыўныя падзеі, якія адбыліся ў айчынным спорце на мінулым тыдні.

1. Першынство краіны па футболе выходзіць на фінішную прамую. Пасля 2-х «колаў» каманды разбіліся на дзве шасцёркі, у якіх вызначаць прызёраў чэмпіянату і, адпаведна, імя таго, хто пакіне вышэйшы дывізіён. Нагадаем, што першую групу камандаў склалі БАТЭ, «Шахцёр», сталічнае «Дынама», «Гомель», «Нёман» і «Тарпеда-БелАЗ», а другую — «Дняпро», брэсцкае «Дынама», «Белшына», ФК «Мінск», «Нафтан» і «Славія». 23 тур прынёс наступныя вынікі: «Белшына» — «Славія» — 2:1, «Мінск» — «Нафтан» — 4:0, «Дынама» (Брэст) — «Дняпро» — 0:1, «Дынама» (Мінск) — «Гомель» — 3:1, «Шахцёр» — «Тарпеда-БелАЗ» — 1:0, «БАТЭ — «Нёман» — 1:0. Першы радок турнірнай табліцы па-ранейшаму займаюць салігорцы (52 балы), на другой пазіцыі знаходзіцца БАТЭ (51 бал), а на трэцяй — мінскае «Дынама», якое адстае ад другога месца на 14 ачкоў. На жаль, чарговы тур азмрочыўся не вельмі прыемным фактам. На выхадных быў усталяваны антырэкорд сярэдняга наведвання заўзятарамі нашага чэмпіянату. У сярэднім гульні наведалі 1425 гледачоў. Дагэтуль, як сцвярджае сайт gоаls.bу, найгоршым у гэтым плане быў другі тур. Тады на матчы ў сярэднім прыйшоў 1691 балельшчык.
2. Футбольная зборная Беларусі страціла ў рэйтынгу Міжнароднай федэрацыі футбольных асацыяцый (ФІФА) 7 пазіцый. У вераснёвай версіі чарта ўсіх зборных свету дружына Георгія Кандрацьева знаходзіцца на 80-м месцы. Беларусы пераганяюць Паўночную Ірландыю, Эстонію, Кітай, Канаду, але саступаюць, напрыклад, Македоніі, Гаіці, Ямайцы. Лепшая зборная СНД у гэтым спісе — Расія. Каманда Фабіа Капэлы знаходзіцца на 15 месцы рэйтынгу ФІФА.
Яшчэ адна цікавая навіна прыйшла з Беларускай федэрацыі футболу. З пасады галоўнага трэнера моладзевай зборнай пайшоў Аляксей Вяргеенка. Замест яго з камандай працаваць будзе экс-трэнер наваполацкага «Нафтана» Ігар Кавалевіч.
3. Хакейнае «Дынама» прайграла ў чарговым паядынку Кантынентальнай хакейнай лігі. Гэтым разам мінчане на сваёй пляцоўцы саступілі пражскаму «Льву» — 1:3. Адзінай шайбай у беларускай камандзе вызначыўся Аляксандр Паўловіч. Учора беларусы ў гасцях сустракаліся з чарапавецкай «Поўначсталлю». Матч завяршыўся ўжо пасля таго, як нумар быў падпісаны ў друк. Падрабязнасці сустрэчы чытайце ў бліжэйшым нумары «Звязды».

1379367538639_17-37

4. Перамогай зборнай Расіі завяршыўся чэмпіянат Еўропы па валейболе. У фінале нашы ўсходнія суседкі пераканаўча перамаглі гаспадынь першынства — каманду Германіі (3:1). Нашы дзяўчаты таксама гулялі нядрэнна. У васьмёрку лепшых не трапілі, затое ўпершыню за 15 гадоў атрымалі вікторыю на кантынентальным першынстве і апынуліся на выніковым 12-м месцы з 16 удзельнікаў. З лікам 3:1 беларускі перайгралі Азербайджан. Праўда, былі таксама паражэнні ад Расіі і Харватыі, фіяска ў 1/8 фіналу ў паядынку з турчанкамі. Аднак сам выхад з групы для Беларусі — гэта таксама вынік, за які трэба падзякаваць нашай камандзе.

Тарас ШЧЫРЫ

Выбар рэдакцыі

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.

Грамадства

Алена Богдан: Любы рух павінен быць паступальным, а не разбуральным

Алена Богдан: Любы рух павінен быць паступальным, а не разбуральным

Яна расказала чытачам «Звязды», ці плануе Беларускі саюз жанчын стаць першай жаночай палітычнай партыяй у краіне і як гэта — сумяшчаць работу ў дзяржапараце з актыўнай грамадскай дзейнасцю.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Хітра ўладкавана чалавечая памяць. Бывае, нешта ўбачыў-пачуў, а што — хоць забі — назаўтра не ўспомніш, а нешта — якраз наадварот — «ляжыць» там гадамі ці нават дзесяцігоддзямі і ўспамінаецца досыць часта...

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.