Жыхары вёскі Аляксееўка Брагінскага раёна ўрачыста адзначылі 90-гадовы юбілей ветэрана вайны, колішняга франтавога санінструктара Таццяны Кісловай. Нягледзячы на паважны ўзрост, баба Таня шмат жартуе і дзеліцца ўспамінамі пра перажытае. Не-не ды ўзгадае, як давялося ёй удзельнічаць у вызваленні Варшавы, Кенігсберга і Берліна.
— Калі дайшлі да Берліна, я забралася на самы верх Рэйхстага і скінула зверху хустачку, сказала: «Бывай, Берлін!» — з усмешкаю прыгадвае ветэранка свой пераможны май 45-га.
66 гадоў побач з Таццянай Дармідонаўнай крочыць яе верны спадарожнік Рыгор Сідаравіч, ветэран вайны, які таксама сустрэў Перамогу ў Берліне і пакінуў аўтограф на сцяне Рэйхстага.
Сёлета ў ветэранаў яшчэ адзін надзвычай важны юбілей — роўна 70 гадоў таму, у верасні 1943 года, іх вёска Аляксееўка была вызвалена ад нямецкіх акупантаў.
Анатоль КЛЯШЧУК. Фота аўтара.
СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.
Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?
Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава
Людзі, у якіх няма даху над галавой, у першую чаргу маюць патрэбу ў падтрымцы ў экстрэмальных умовах надвор'я.
