Вы тут

Вучэнне стартавала


Пачалося сумеснае стратэгічнае вучэнне ўзброеных сіл Рэспублікі Беларусь і Расійскай Федэрацыі «Захад-2013». Нягледзячы на дажджлівае надвор'е, на беларускіх палігонах горача.

«Захад-2013» — у першую чаргу, вучэнне абарончага характару, якое пацвярджае курс на боегатоўнасць і прыхільнасць да саюзніцкіх абавязацельстваў з Расійскай Федэрацыяй. З 20 па 26 верасня вайскоўцы пад кіраўніцтвам міністра абароны Рэспублікі Беларусь генерал-лейтэнанта Юрыя Жадобіна

і начальніка Генеральнага штаба Узброеных Сіл Расійскай Федэрацыі — першага намесніка міністра абароны Расійскай Федэрацыі генерала арміі Валерыя Герасімава прадэманструюць сваю падрыхтоўку і навыкі ў прымяненні груповак войскаў у інтарэсах забеспячэння ваеннай бяспекі Саюзнай дзяржавы.

Задуму вучэння, якое сёлета праводзіцца і на тэрыторыі нашай краіны, зацвердзіў Галоўнакамандуючы Узброеных Сіл Рэспублікі Беларусь, Прэзідэнт Аляксандр Лукашэнка. Пры вызначэнні задумы цяперашняга вучэння ўлічваліся сучасныя падыходы да прымянення войскаў, вопыт узброеных канфліктаў, якія адбыліся ў апошнія гады, мерапрыемствы аператыўнай падрыхтоўкі, а таксама формы і спосабы прымянення войскаў, выпрацаваныя ва ўзброеных сілах дзвюх дзяржаў.

У ходзе правядзення вучэння плануецца ўдасканаліць аператыўную сумяшчальнасць штабоў розных узроўняў, спалучэнне перспектыўных сістэм кіравання войскамі і зброяй, апрабаваць новыя статутныя дакументы, распрацаваныя ва ўзброеных сілах Рэспублікі Беларусь і Расійскай Федэрацыі, даць практыку камандуючым, камандзірам і штабам у планаванні мерапрыемстваў ваеннага характару па стабілізацыі абстаноўкі і кіраванні войскамі.

— У вучэнні, якое пачалося на беларускай зямлі, удзельнічае каля 12 900 ваеннаслужачых, — зазначылі ў Міністэрстве абароны. — Ад Узбореных Сіл Рэспублікі Беларусь — крыху больш за 10 000 чалавек, ад Узброеных Сіл Расійскай Федэрацыі — каля 2500, ад іншых краін — удзельніц АДКБ — больш за 300 вайскоўцаў. Задзейнічана 350 адзінак бранятанкавай тэхнікі (у тым ліку каля 70 танкаў) больш як 50 адзінак артылерыі і рэактыўных сістэм залпавага агню, больш за 50 самалётаў і верталётаў.

Асаблівасць вучэння ў тым, што ў ім бяруць удзел не толькі вайскоўцы з Беларусі і Расіі, а і з Арменіі, Казахстана, Кыргызстана і Таджыкістана. Яны ўжо засвойваюць беларускія палігоны, каб на практыцы апрабаваць сумеснае выкарыстанне абароннай інфраструктуры.

Вераніка КАНЮТА.

Выбар рэдакцыі

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.

Грамадства

Алена Богдан: Любы рух павінен быць паступальным, а не разбуральным

Алена Богдан: Любы рух павінен быць паступальным, а не разбуральным

Яна расказала чытачам «Звязды», ці плануе Беларускі саюз жанчын стаць першай жаночай палітычнай партыяй у краіне і як гэта — сумяшчаць работу ў дзяржапараце з актыўнай грамадскай дзейнасцю.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Хітра ўладкавана чалавечая памяць. Бывае, нешта ўбачыў-пачуў, а што — хоць забі — назаўтра не ўспомніш, а нешта — якраз наадварот — «ляжыць» там гадамі ці нават дзесяцігоддзямі і ўспамінаецца досыць часта...

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.