Вы тут

«Беларусь — ідэальная зона, сумесна з якой мы зможам асвоіць новыя эканамічныя прасторы...»


Дзелавая канферэнцыя «Беларусь — Чэхія» стала чарговай старт-пляцоўкай для новых эканамічных праектаў. Чэхія праяўляе шчырую зацікаўленасць да ўзаемавыгаднага супрацоўніцтва. І беларускі бізнес адказвае гатоўнасцю рэалізоўваць ідэі і прапановы. 48 беларускіх і 20 чэшскіх бізнесменаў сабраліся за «галіновым» сталом перамоў, каб падзяліцца ўласнымі эканамічнымі інтарэсамі і, спадзяёмся, стаць надзейнымі партнёрамі.

Ужо добра. Але актыўней!

Для Беларусі Чэхія мае значэнне аднаго з найважнейшых эканамічных партнёраў, пра што сведчыць 15-е месца ў спісе краін, з якімі мы маем найбольшы таваразварот. Летась аб'ём двухбаковага гандлю пераўзышоў 571 млн долараў ЗША, а пачынаўся ён у 2005 годзе са 155 млн. Павышаюцца не толькі сумы, але і колькасць узаемных кантактаў. Чарговая сустрэча мела на мэце пашырыць арэал супрацоўніцтва ў прамысловасці, сельскай гаспадарцы, будаўніцтве, медыцыне, банкаўскіх і юрыдычных паслугах, кандытарскай вытворчасці.
«Гандлёва-прамысловыя адносіны паміж нашымі краінамі паляпшаюцца з кожным годам, аднак Беларусі і Чэхіі неабходна актыўней іх умацоўваць, — упэўнена часовы павераны ў справах Чэшскай Рэспублікі ў Рэспубліцы Беларусь Дагмар Дзідзенка Наваградска

. — Для гэтага ёсць належны патэнцыял. Напярэдадні дэлегацыя чэшскіх бізнесменаў наведала Магілёўскую вобласць, дзе мы таксама ўбачылі немалыя магчымасці для супрацоўніцтва. І тыя кампаніі з Чэхіі, якія сёння прысутнічаюць у Мінску, маюць намер агучыць цікавыя прапановы беларускім партнёрам».
Па словах спадарыні Наваградскай, ужо сёння партнёрскія кампаніі мадэрнізуюць у Беларусі хімічную, нафтахімічную і цэлюлозна-папяровую вытворчасць, свінагадоўчыя фермы, лагістычныя цэнтры, забяспечваюць энергетычныя аб'екты сучасным абсталяваннем. «Гэта ўжо нямала, аднак мы імкнёмся выкарыстоўваць наш патэнцыял яшчэ больш,» — падкрэслівае прадстаўніца Чэхіі.

«Зроблена ў Беларусі» па-чэшску

Наколькі прывабныя ўмовы вядзення бізнесу ў РБ для чэшскага боку? Францішак Масапуст, выканаўчы дырэктар Чэшскай гандлёва-прамысловай палаты па краінах СНД, не сумняваецца ў іх паспяховасці і не бачыць перашкод для плённага супрацоўніцтва.
— Беларусь для чэшскіх прадпрымальнікаў — цікавы і перспектыўны партнёр. Ваша краіна — гэта тая база-медыятар у цэнтры Еўропы, на якую ўжо сёння трэба актыўна працаваць. Умовы, створаныя ў свабодных эканамічных зонах, садзейнічаюць таму, каб чэхі сумесна з беларускімі партнёрамі пачалі разгортваць агульны бізнес, наладжваць вытворчасць і пад маркай «Зроблена ў Беларусі» выходзіць на расійскі рынак. Вядома, адсюль гэты крок можна рабіць на зусім іншых фінансавых умовах, чым з Чэхіі, Еўрасаюза. Калі мы даём пэўныя парады прадстаўнікам чэшскага бізнесу, перш за ўсё звяртаем ўвагу, наколькі ў Беларусі прыстойныя, добрасумленныя, высокакваліфікаваныя супрацоўнікі. І гэта — адна з перадумоў поспеху сумесных праектаў. Мы пачалі прыязджаць у Беларусь 10 гадоў таму. Першы раз наша дэлегацыя складалася з пяці бізнесменаў. Кожны год іх колькасць толькі павялічвалася. Сёння Еўропа знаходзіцца не ў самым лёгкім эканамічным становішчы, таму мы працуем далей, дапамагаючы адзін аднаму, паступова развіваючы сумесны бізнес.
— Без цяжкасцяў, зразумела, не абыдзецца. У чым вы бачыце галоўныя перашкоды?
— Ды ніякіх. Працаўнікі тут высокакваліфікаваныя, таму ёсць магчымасць прывозіць і ўкараняць самыя новыя тэхналогіі. Ёсць гарантыя, што з ёй будуць працаваць так, як і ў Чэхіі. На жаль для вас, але на шчасце для нас, кошт працоўнай сілы ў Беларусі больш нізкі, чым у Чэхіі. Пры гэтым з Беларусі шлях на расійскі, украінскі, казахскі рынкі нашмат бліжэйшы. На мой погляд, Беларусь — ідэальная зона, база, сумесна з якой мы зможам асвоіць новыя эканамічныя прасторы.

***

І Беларусь, і Чэхія імкнуцца пашырыць свае экспартныя магчымасці. Абедзве краіны маюць шчырую зацікаўленасць у якасных зменах вытворчасці і сферы паслуг. Дзелавыя візіты кшталту мінулай канферэнцыі пераконваюць у тым, што Беларусь умее быць выгаднай, прывабнай пляцоўкай для замежных інвестыцый. Колькі плёну яны прынясуць, пакажа будучая справаздача аб узаемным таваразвароце. Аднак ужо сёння найлепшым паказчыкам з'яўляюцца канкрэтныя планы і прапановы заходніх партнёраў.

Любоў КАСПЯРОВІЧ

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»