Вы тут

Лепшы кантроль за якасцю малака — свядомасць


З вёскі Галавенчыцы Стаўбцоўскага раёна ў рэдакцыю патэлефанавала жанчына, чыя скарга пакрысе пераўтварылася ў суцэльны плач у тэлефоннай слухаўцы... Высветлілася, што мясцовым жыхарам вяртаюць назад малако...

— Першы раз гэта надарылася ў самым пачатку верасня. Потым сітуацыя паўтарылася недзе ў сярэдзіне месяца. Зараз вось днямі вярнулі малако зноў. Калі гаварыць асабіста пра мяне, гаворка ідзе пра 16-18 літраў за кожны раз, — распавяла пра бяду заяўніца. — Асабліва нічога не тлумачаць, гавораць толькі, што ў малацэ — антыбіётыкі. Толькі ў нашай вёсцы прыватных малаказдатчыкаў — недзе дзесяць чалавек. І ўсім павярталі здадзенае...

Старшыня Стаўбцоўскага раённага Савета дэпутатаў Аркадзь КАЗЯКОЎСКІ, да якога мы звярнуліся па каментарыі, пацвердзіў наяўнасць праблемы.

— Малако з нашага раёна, якое збіраецца дзвюма машынамі, паступае на першы сталічны гармалзавод. І вось адтуль сапраўды пачалі вяртаць прадукцыю, бо ў ёй знайшлі сляды антыбіётыкаў. Гэта азначае, што нехта з вяскоўцаў здае малако ад хворай каровы, — уздыхнуў суразмоўца. — І гэты «нехта», выходзіць, падводзіць усіх астатніх здатчыкаў, бо малако ў цыстэрне змешваецца і яго даводзіцца потым вяртаць усім без выключэння.

Ці можна нейкім чынам вырашыць праблему на месцы? «Толькі праз свядомасць!» — адказаў Аркадзь Казякоўскі. І патлумачыў, што калі праверыць малако на шчыльнасць, тлустасць — не праблема, дык адзін аналіз на наяўнасць антыбіётыкаў каштуе вялікіх грошай. Таму і застаецца апеляваць да сумлення вяскоўцаў.

— Пагаварыў са старшынямі сельскіх выканкамаў: каб тыя пагутарылі са здатчыкамі малака, папрасілі іх ставіцца да справы больш адказна, патлумачылі сітуацыю, у якой церпяць ні ў чым не вінаватыя людзі, — сказаў напрыканцы старшыня Стаўбцоўскага раённага Савета дэпутатаў. — З заўтрашняга дня (на момант гутаркі. — Аўт.)зноў пачынаем збіраць малако ад насельніцтва.

Сяргей РАСОЛЬКА.

Выбар рэдакцыі

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава

Грамадства

Дапамога — ёсць! Чым займаецца гэтай зімой Беларускі Чырвоны Крыж?

Дапамога — ёсць! Чым займаецца гэтай зімой Беларускі Чырвоны Крыж?

Людзі, у якіх няма даху над галавой, у першую чаргу маюць патрэбу ў падтрымцы ў экстрэмальных умовах надвор'я.

Спорт

Дзмітрый Ходас: Воля, характар і любоў

Дзмітрый Ходас: Воля, характар і любоў

Як не быць алімпійскім чэмпіёнам, але быць героем спорту.