Вы тут

Не кожнаму выпадае шанц...


Трактарыста-машыніста філіяла «Пяцігор'е» Віталя ЛАСІЦКАГА добра ведаюць не толькі ў раёне, але і ў вобласці. У 2011-м Віталь Алегавіч заняў першае месца, а летась стаў другім сярод маладых экіпажаў камбайнераў на абласных «Дажынках». Сёлета ён будзе прадстаўляць Міншчыну ў моладзевай катэгорыі на рэспубліканскім фестывалі-кірмашы працаўнікоў сяла «Дажынкі-2013» у Жлобіне.

Працуе Віталь Ласіцкі старшым камбайнерам без памочніка. Сёлета намалаціў 1895 тон збожжа на камбайне «Джон Дзір-9640» з шасціметровай жняяркай.

1380232177254_IMG_3185

— Віталь Алегавіч прыйшоў да нас яшчэ зусім маладым, спачатку вучыўся працаваць на трактары, затым даверылі яму камбайн. Цяпер за ім замацаваны і камбайн, і трактар «Амкадор-320». Дужа любіць тэхніку. Я сказаў бы, у яго вельмі беражлівае і трапяткое стаўленне да машын, агрэгатаў, нібы да жывых істот. Шмат увагі Віталь надае тэхнічнаму абслугоўванню, рамонту тэхнікі, карпатліва рыхтуе яе да сяўбы, жніва. Таму і служыць яна спраўна, без паломак і прастояў, што ўплывае і на вынікі працы, — лічыць дырэктар філіяла Пётр Ярыжэнец.

Віталь нарадзіўся ў суседняй з Забалаццем вёсцы, жонка таксама тутэйшая, з філіяла «Праўда-Агра». Кіраўніцтва «Пяцігор'я» выдзеліла маладой сям'і дом з усімі выгодамі. Жыві ды радуйся: ёсць дах над галавой, любімая работа, добрыя заробкі. Але самае вялікае шчасце — двое дзетак: сынок нарадзіўся літаральна два месяцы назад.

— У нас усе камбайнеры стараліся на жніве, усе яны прафесіяналы высокага класа. Чаму пашанцавала менавіта мне? Нават не ведаю, проста пашанцавала, — сціпла адказвае на маё пытанне хлопец.

Што тычыцца рэспубліканскіх «Дажынак», то трапіць туды, як лічыць мой суразмоўца, — вялікі гонар. Ды і павучыцца там будзе ў каго: на свята прыедуць славутыя хлебаробы, сапраўдныя віртуозы сваёй справы. А наконт падарункаў? Вядома, прыемна іх атрымліваць, але, зрэшты, не гэта галоўнае. Галоўнае для майго героя — удзел у фестывалі такога маштабу. Не кожны раз і не кожнаму выпадае такі шанц.

Выбар рэдакцыі

Грамадства

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Каля мільёна чалавек атрымала падтрымку ў выглядзе прадуктовых набораў, ваўчараў, якія можна было «атаварыць», грашовых сродкаў, дастаўкі прадуктаў на дом, а таксама простай размовы па тэлефоне «гарачай лініі» са спецыялістам.

Грамадства

Матывацыя праз гейміфікацыю, або як працуюць механізмы гульні ў адукацыі

Матывацыя праз гейміфікацыю, або як працуюць механізмы гульні ў адукацыі

Вядома, што гульня здольная захапіць усю ўвагу чалавека і не адпускаць яе доўгі час.

Культура

Падмурак Трэцяга Рэнесансу закладваецца ва Узбекістане

Падмурак Трэцяга Рэнесансу закладваецца ва Узбекістане

У Ташкенце прайшлі Тыдзень культурнай спадчыны Узбекістана і ІV Міжнародны кангрэс Сусветнага таварыства па вывучэнні, захаванні і папулярызацыі культурнай спадчыны Узбекістана «Культурная спадчына Узбекістана — падмурак новага Рэнесансу».

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.