Вы тут

Самая дарагая вуліца Мінска — Піянерская


Самай дарагой жылой вуліцай Мінска названа Піянерская, кошт прапанавання 1 кв.м жылля на ёй перавышае $3,5 тыс.

Аб гэтым паведаміла БЕЛТА намеснік дырэктара па продажах на другасным рынку жылля аднаго з буйнейшых сталічных агенцтваў нерухомай маёмасці Святлана КУДЗЕЛКА, спецыялісты якога падрыхтавалі і склалі рэйтынг 30 самых дарагіх жылых вуліц Мінска.
Высокія цэны на жылую нерухомую маёмасць у асноўным характэрны для цэнтра горада. У пяцёрку самых дарагіх трапілі вуліцы Карла Маркса ($3180 за 1 кв.м), Камуністычная ($3136), Інтэрнацыянальная ($3023) і Старажоўская ($3005). Разам з тым вуліца Піянерская, якая ўзначаліла рэйтынг, размешчана ў мікрараёне Дразды насупраць культурна-спартыўнага комплексу «Мінск-Арэна».
Намеснік дырэктара адзначыла, што кошт квадратнага метра на самых рэспектабельных вуліцах сталіцы амаль у два разы вышэйшы, чым у сярэднім па горадзе. Прычым цэны на жыллё ў цэнтры Мінска або паблізу маляўнічых мясцін павялічваюцца на працягу ўсяго года. «Такія кватэры набываюць у асноўным заможныя замежныя грамадзяне і ўнутраныя інвестары для далейшай здачы ў арэнду па высокіх стаўках», — растлумачыла яна.

Гаворачы аб месцы размяшчэння ў Мінску элітнага жылля, эксперт вылучыла пяць асноўных рэгіёнаў сталіцы. Па-першае, традыцыйна папулярнай з'яўляецца нерухомая маёмасць у гістарычным цэнтры горада, у тым ліку кватэры на вуліцах Інтэрнацыянальная, Леніна і Карла Маркса. У якасці альтэрнатывы выступаюць новыя элітныя раёны ў акваторыі ракі Свіслач (вуліцы Піянерская, Язмінавая, Парніковая і Ваньковіча). Па-трэцяе, заможныя пакупнікі прыглядаюцца да кварталаў з папулярнасцю, якая крыху спадае, — вуліц Захарава і Пуліхава. З'яўленне там новабудоўляў дае магчымасць захаваць да раёна высокі інтарэс. Стабільным застаецца попыт на дамы па праспекце Незалежнасці.

Прычым цэнавы дыяпазон кватэр у розных дамах уздоўж праспекта значна адрозніваецца. Сваю нішу заняла і элітная забудова ў спальных раёнах горада — перш за ўсё сучасныя пабудовы ва Уруччы і ў раёне праспекта Дзяржынскага.

Выбар рэдакцыі

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.

Грамадства

Алена Богдан: Любы рух павінен быць паступальным, а не разбуральным

Алена Богдан: Любы рух павінен быць паступальным, а не разбуральным

Яна расказала чытачам «Звязды», ці плануе Беларускі саюз жанчын стаць першай жаночай палітычнай партыяй у краіне і як гэта — сумяшчаць работу ў дзяржапараце з актыўнай грамадскай дзейнасцю.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Хітра ўладкавана чалавечая памяць. Бывае, нешта ўбачыў-пачуў, а што — хоць забі — назаўтра не ўспомніш, а нешта — якраз наадварот — «ляжыць» там гадамі ці нават дзесяцігоддзямі і ўспамінаецца досыць часта...

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.