Вы тут

ПАРАДАК НЕ ДЛЯ ЎСІХ?


Факты парушэння парадку распаўсюджвання інфармацыі пра незанятыя зямельныя ўчасткі выяўлены ў большасці правераных спецыялістамі Дзяржкантролю сельвыканкамаў Гомельшчыны. Між тым, гэта парушае інтарэсы грамадзян і юрыдычных асоб, якія зацікаўлены ў іх атрыманні.

Праведзеныя Камітэтам дзяржаўнага кантролю Гомельскай вобласці праверкі паказалі, што, нягледзячы на строгія патрабаванні заканадаўства пра даступнасць і дакладнасць такой інфармацыі, у шэрагу правераных сельвыканкамаў інфармацыя гэтага кшталту або была не актуальнай, або ўвогуле адсутнічала. Гэтыя факты выяўлены ў Тураўскім гарвыканкаме і сямі сельвыканкамах Жыткавіцкага раёна (Марохараўскім, Людзяневіцкім, Азяранскім, Рычоўскім, Верасніцкім, Мілевіцкім, Чырвоненскім), у трох сельвыканкамах Брагінскага раёна (Малейкаўскім, Чамярынскім і Малажынскім). Напрыклад, у Чырвоненскім сельвыканкаме Жыткавіцкага раёна такая інфармацыя «ляжала» ў сейфе спецыяліста, які знаходзіўся на вучобе. У Мілевіцкім сельвыканкаме замест пераліку незанятых зямельных участкаў пры праверцы быў прадстаўлены спіс знесеных за мінулы год дамоў.

Пасля ўмяшання Камітэта дзяржкантролю на месцах пачаў наводзіцца парадак са змяшчэннем інфармацыі пра незанятыя зямельныя ўчасткі. Вінаватыя ў парушэннях заканадаўства службовыя асобы прыцягнуты да адказнасці.

Акрамя таго, прыпынена дзейнасць па незаконным прадастаўленні 20 зямельных участкаў у горадзе Рэчыца. Яны былі прадастаўлены без збірання ўсталяванай платы, чым нанесены страты бюджэту раёна — Br80 мільёнаў. Па гэтых фактах заведзена крымінальная справа.

Ірына АСТАШКЕВІЧ.

Выбар рэдакцыі

Культура

Бландзінкі за шпільцішам. Карэспандэнт «Звязды» зазірнуў углыб аргана

Бландзінкі за шпільцішам. Карэспандэнт «Звязды» зазірнуў углыб аргана

Прыгажуні-гераіні паралельна — выкладчыцы Віцебскага дзяржаўнага музычнага каледжа імя Салярцінскага.

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.