Вы тут

Суладдзе моў, літаратур, культур


У Кіеве 8 кастрычніка з удзелам Выдавецкага дома «Звязда» адбудзецца прэзентацыя кнігі беларускіх і ўкраінскіх пісьменнікаў «Залатая струна».

Зборнік сучаснай паэзіі і прозы, які адкрываецца вершамі Героя Украіны Барыса Алійніка, выдадзены ў Мінску ў межах серыі «Сугучча сэрцаў». Беларуская літаратура прадстаўлена творамі Васіля Быкава, Алеся Пісьмянкова, Алеся Жука, Зінаіды Дудзюк, Вітаўта Чаропкі, Вадзіма Спрынчана, Алеся Бадака, Таццяны Сівец.

Прэзентацыя адбудзецца ў вялікай зале кіеўскага Дома пісьменнікаў, — расказала «Звяздзе» вядомы украінскі празаік Галіна Тарасюк, якая ў многім паспрыяла збіранню ўкраінскай часткі кнігі «Залатая струна». — Арганізатары такой святочнай імпрэзы — Нацыянальны Саюз пісьменнікаў Украіны, Дзяржкамтэлерадыё, Украінскі фонд культуры. У межах сустрэчы аўтараў і чытачоў адбудзецца пасяджэнне і «круглага стала» па тэме «Сугучнасць: мова і літаратура ў кантэксце гісторыка-культурнай спадчыны». А яшчэ запланаваны творчы вечар украінскіх і беларускіх пісьменнікаў на творчым аддзяленні Інстытута філалогіі Кіеўскага нацыянальнага ўніверсітэта.

А Выдавецкі дом «Звязда» пазнаёміць украінскіх сяброў і з іншымі творчымі праектамі, дзе ў апошнія гады былі прадстаўлены класіка і сучаснае мастацкае слова Украіны: зборнік паэзіі народаў свету «Лучнасць» (кніга аднаго перакладчыка — Міколы Мятліцкага, які пераўвасобіў на мову Купалы вершы Тараса Шаўчэнкі, Уладзіміра Сасюры, Алексы Юшчанкі, Міхаіла Шаўчэнкі), кнігі Ніны Мацяш « У прыгаршчах ветру» і «Гарнуся душою да слова», дзе прадстаўлены пераклады вершаў украінскіх паэтаў розных пакаленняў.

Мікола БЕРЛЕЖ.

Выбар рэдакцыі

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.

Грамадства

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Наш даўні сябар — жыхар Вялікай Бераставіцы — Міхаіл Маскальчук даслаў нам чарговы цікавы аповед, які быў запісаны са слоў бацькі Міхаіла, Васіля Маскальчука.

Грамадства

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Днямі аб праекце профільнай дзяржпраграмы журналістам падчас прэс-прэзентацыі расказаў міністр жыллёва-камунальнай гаспадаркі Андрэй Хмель.

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.