Мiжнародны тыдзень пiсьма. Праводзiцца па рашэннi XIV кангрэса Сусветнага паштовага саюза (1957). На гэты час прыпадае і 9 кастрычнiка — дзень стварэння ў Берне Сусветнага паштовага саюза (1874).
1831 год — нарадзiўся (вёска Дудзiчы, цяпер Пухавiцкi раён Мiнскай вобласцi) Мiхаiл Карлавiч Ельскi, беларускi скрыпач i кампазiтар, музычны пiсьменнiк. З пачатку 1860‑х гадоў канцэртаваў за мяжой. Збiраў беларускiя народныя мелодыi, выкарыстоўваючы iх у сваiх творах. Напiсаў каля 100 музычных твораў, у тым лiку два канцэрты, санату-фантазiю, скрыпiчныя i фартэпiянныя паланезы, мазуркi, мiнiяцюры i iншыя. Аўтар працы «Народныя танцы Мiнскай губернi», артыкулаў i нарысаў пра кампазiтараў i музыкантаў-выканаўцаў. Памёр ў 1904 годзе.
1871 год
— нарадзiўся прафесiйны барэц i атлет Iван Паддубны. Iван Максiмавiч — заслужаны артыст РСФСР, заслужаны майстар спорту, уладальнiк тытула «Чэмпiён Амерыкi». За сваю 40‑гадовую кар'еру ён не прайграў нiводнага чэмпiянату, толькi ў асобных сутычках удача здраджвала яму. Спартсмена, якi атрымаў сусветнае прызнанне, называлi « чэмпiёнам чэмпiёнаў» i «рускiм волатам». Ён з'явiўся на свет у беднай сялянскай сям'i. У 17 гадоў пачаў працаваць у Севастопальскiм порце грузчыкам. У 1896 годзе выпадкова апынуўся ў цырку ў Феадосii. Там Iван часта назiраў за тым, што адбывалася на манежы, i аднойчы папрасiў дазволу паспрабаваць свае сiлы ў сутычках з чэмпiёнамi. Яму дазволiлi. У вынiку ўсе сапернiкi былi пераможаны. З гэтага пачалася кар'ера барца, Паддубны стаў выступаць у цырку. У 1905—1908 гадах «рускi волат» быў пераможцам найбуйнейшых чэмпiянатаў свету па класiчнай барацьбе сярод прафесiяналаў. Ён шмат гастраляваў за мяжой, iмя Паддубнага доўгiя гады не пакiдала старонак еўрапейскiх газет. Пасля Кастрычнiцкай рэвалюцыi чэмпiён актыўна прапагандаваў новы — савецкi — спорт. Толькi ў 1941 годзе ва ўзросце 70 гадоў легендарны барэц пакiнуў дыван. А не стала Iвана Максiмовiча ў 1949 годзе.
1948 год — нарадзiлася (горад Мiнск) Таццяна Iванаўна Шамякiна, беларускi лiтаратуразнаўца, крытык i перакладчык, доктар фiлалагiчных навук (2001), прафесар (2003). Даследуе гiсторыю культуры, беларускую мiфалогiю ў кантэксце сусветнай, у сувязi з лiтаратурай i фальклорам, праблемы сучаснай беларускай прозы, асаблiвасцi стылю беларускiх пiсьменнiкаў. На рускую мову пераклала творы I. Шамякiна «Гандлярка i паэт», «Вазьму твой боль», «Зенiт» i iнш.
Iван МЕЛЕЖ,
народны пiсьменнiк Беларусi:
«Навука — свет, якi выклiкае павагу».
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».