1817 год — нарадзіўся (маёнтак Шчорсы, цяпер Навагрудскі раён) Антон Юзэф Глінскі, беларускі фалькларыст і пісьменнік. Працаваў у знакамітай на ўсю Еўропу бібліятэцы Храптовічаў. З 1844 года жыў у Вільні, дзе рэдагаваў «Виленские губернские ведомости». Аўтар «Казачніка» — зборніка апрацаваных беларускіх народных казак, анекдотаў, апавяданняў. Памёр у 1866 годзе.
1885 год
— нарадзіўся вядомы французскі пісьменнік Франсуа Марыяк. Яго раманы «Пустыня кахання», «Тэрэза Дэскейру», «Клубок змей» паставілі Марыяка ў шэраг найбуйнейшых французскіх аўтараў ХХ стагоддзя. Перакананы католік, Марыяк паказвае, што жыццёвая практыка буржуазіі супярэчыць хрысціянскім маральным прынцыпам. Падчас Другой сусветнай вайны пісьменнік удзельнічаў у Руху супраціўлення. Пад псеўданімам Фарэз выпусціў публіцыстычную кнігу «Чорны сшытак», супраць фашызму і калабарацыянізму. У 1952-м Франсуа Марыяку прысудзілі Нобелеўскую прэмію па літаратуры. «Чалавек па сваёй прыродзе не можа сумнявацца ў тым, што жыццё мае кірунак і мэту», — казаў ён. І з гэтым нельга не пагадзіцца.
1933 год — нарадзіўся Мікалай Анатольевіч Мальцаў, беларускі вучоны і канструктар у галіне вылічальнай тэхнікі. Аўтар навуковых прац і вынаходак па ЭВМ тыпу «Мінск» і Адзінай сістэмы, вылічальных комплексаў, сістэм і сетак. Адзін з вядучых распрацоўшчыкаў ЭВМ «Мінск-2», «Мінск-23». Галоўны канструктар машыны «Мінск-26», працэсараў; намеснік галоўнага канструктара машыны «Мінск-27» і ЭВМ ЕС-1022. Лаўрэат Дзяржаўнай прэміі СССР (1970).
Рыгор Шырма, харавы дырыжор, фалькларыст, грамадскі і музычны дзеяч:
«Трэба так працаваць і жыць, каб сум нашай беларускай восені ператварыўся ў бадзёрыя вясновыя настроі».
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.