Пракурорскія работнікі ў выніку маніторынгу зрабілі выснову, што на тэрыторыі не ўсіх школ Віцебскай вобласці зроблена ўсё неабходнае, каб дзеці там былі ў поўнай бяспецы.
У прыватнасці, пры абследаванні школы ў Бешанковіцкім раёне ўстаноўлена, што ўчастак, прылеглы да ганка школы, не адгароджаны ад праезнай часткі дарогі, на ёй адсутнічаюць спецыяльныя папераджальныя знакі. У школе не было супрацьпажарнай сігналізацыі.
У Верхнядзвінскім раёне тэрыторыі дзвюх школ агароджаны не па ўсім перыметры, недастаткова асветлены, адсутнічаюць пешаходны пераход і дарожныя знакі. У Докшыцкім раёне ўстанавілі выпадкі не абсталявання школ аўтаматычнай пажарнай сігналізацыяй і сістэмай апавяшчання аб пажары. У дзвюх школах Ушацкага раёна ўмовы для бяспечнага пераходу дарогі каля іх не створаны. Школы ж знаходзяцца блізка ад аўтадарог, а пешаходныя пераходы і штучныя няроўнасці для паніжэння хуткасці аўтатранспарту на асфальце адсутнічалі. Мелі выпадкі недастатковага асвятлення дарог паблізу школ Шумілінскага раёна. Гэтыя прыклады прывёў Антон ВОЛКАЎ, старшы памочнік пракурора Віцебскай вобласці па наглядзе за выкананнем заканадаўства аб непаўналетніх і моладзі.
Усяго пракурорамі з мэтай ліквідацыі выяўленых парушэнняў унесена ўстановам адукацыі восем прадстаўленняў, вынесена 17 прадпісанняў. Адначасова пракурорскімі работнікамі была праведзена і пэўная асветніцкая праца: мы выступалі больш за 70 разоў, у тым ліку і на бацькоўскіх сходах.
Аляксандр ПУКШАНСКІ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
