Мiжнародны дзень сельскiх жанчын. Абвешчаны на 62-й сесii Генеральнай Асамблеi ААН у адпаведнасцi з рэзалюцыяй ад 18 снежня 2007 года.
1814 год — нарадзiўся Мiхаiл Лермантаў. «Проза Лермантава — цуд. Яшчэ большы цуд, чым яго вершы», — захапляўся Леў Гумiлёў. «Пушкiн — дзённае, Лермантаў — начное свяцiла рускай паэзii», — такое вызначэнне даваў Дзмiтрый Меражкоўскi. А Ганна Ахматава ў артыкуле аб Лермантаве пiсала: «Словы, сказаныя iм пра закаханасць, не маюць сабе роўных нi ў адной паэзii свету. Гэта так проста, так нечакана i так бяздонна. Пушкiн i Лермантаў — гэтыя два iмёны злiлiся ў нашай свядомасцi са школьных гадоў. Але якiя яны былi розныя! У артыкуле « Рамяство паэта» Валерый Брусаў адзначаў, што Пушкiн працаваў над вершамi, рабiў iх, а ў Лермантава вершы выходзiлi з галавы ўжо гатовымi. Пушкiн жадаў, каб чутка пра яго прайшла «па ўсёй Русi вялiкай». Лермантаў жа задумваўся над тым, цi не лепш было б пакiнуць свае мары назаўсёды ў глыбiнi душы, бо няма ў мовы сiл, каб выказаць патаемныя думы — «вершам мерным i словам ледзяным не перадасi ты iх значэння».
1953 год — 60 гадоў на Мiнскiм трактарным заводзе выраблены першы колавы трактор «Беларус».
1953 год — нарадзiўся (г.п. Плешчанiцы Лагойскага раёна Мiнскай вобласцi) Мiкалай Яфiмавiч Сяменчык, беларускi гiсторык, доктар гiстарычных навук. Даследуе гiсторыю партый, прафесiйных, нацыянальных арганiзацый i рухаў падчас Лютаўскай i Кастрычнiцкай рэвалюцый 1917 года, перыяду акупацыi Беларусi германскiмi i польскiмi войскамi ў 1918-1920 гадах.
Бранiслаў Тарашкевiч, пiсьменнiк, лiтаратуразнавец, публiцыст, вучоны-мовазнавец:
«Сёння не быць сляпым — i на заўтра мець гатовую думку».