Вы тут

Маці, Мадонны, гераіні


Знакамітыя і простыя, але прыгожыя, спагадлівыя, клапатлівыя. Зачаравацца, натхніцца, схіліць галаву — вось тыя эмоцыі, на якія разлічана выстава «Прысвячаем маці», якую прапануе Нацыянальны гістарычны музей Рэспублікі Беларусь.

Жанчына як вышэйшая істота, якая дае жыццё і сваёй любоўю ахоўвае яго, — гэта тэма творчасці беларускага мастака Аляксея Кузьміча. Аўтар больш за 600 твораў, у якіх апеты вобраз жанчыны, акцэнтуе ўвагу на тым, што яны — Мадонны, вартыя пакланення ў любыя часы: што на зары чалавецтва, што ў эпоху Рэнесансу, што ў наша імклівае і, здаецца, вельмі рацыянальнае ХХІ стагоддзе. Чалавецтва праходзіць свой доўгі час менавіта дзякуючы таму, што ёсць Маці, якія пакідаюць пасля сябе працяг.
У пацвярджэнне гэтай думкі мастацкія творы, дапоўненыя рэальнымі сведчаннямі пра зямны шлях асоб з беларускай гісторыі, сярод якіх былі жанчыны — Героі Сацыялістычнай працы, дэлегаты з'ездаў Саветаў, заслужаныя работнікі адукацыі, спартсменкі, актрысы. Іх імёны былі на слыху — дастаткова ўзгадаць Стэфанію Станюту ці Вольгу Корбут. Але была яшчэ часткай таго жыцця, дзе яны былі звычайнымі жанчынамі, выхоўвалі дзяцей. Пра што пісалі сваім сынам паэтка Еўдакія Лось і актрыса Аляксандра Клімава? Можна даведацца з дакументаў, якія прадставіў для выставы Беларусі дзяржаўны архіў-музей літаратуры і мастацтва. Выстава дэманструе ўзнёсласць мастацкага ўвасаблення найвялікшай місіі жанчыны, у спалучэнні з ілюстрацыяй таго, як праяўлялася любоў у штодзённым жыцці.

Ларыса ЦІМОШЫК

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.