Дзень шэфа (прафесійнае свята бізнесменаў). Святкуецца ў знак прызнання кіраўнікоў ведамстваў, кампаній і фірмаў і асаблівай да іх павагі.
1618 год — 395 гадоў назад адбылося выступленне гараджан Магілёва супраць прымусовага ўвядзення царкоўнай уніі, якое ўвайшло ў гісторыю пад назвай Магілёўскае паўстанне. Штуршком да яго сталі дзеянні полацкага ўніяцкага архіепіскапа Ясафата Кунцэвіча, які ў кастрычніку 1618 года накіраваўся ў Магілёў з намерам закрыць там праваслаўныя царквы і навязаць жыхарам унію. Магістрат Магілёва заявіў, што горад не будзе падпарадкоўвацца ўніяцкай мітраполіі. Даведаўшыся пра набліжэнне Кунцэвіча, гараджане зачынілі перад ім браму, устанавілі на гарадскім вале гарматы, пагражаючы выкарыстаць зброю, калі архіепіскап паспрабуе пранікнуць у Магілёў. Тады Кунцэвіч паехаў у Варшаву, каб паведаміць аб гэтым здарэнні каралю Жыгімонту ІІІ, і дамогся выдання каралеўскага ўніверсала, згодна з якім 20 удзельнікаў выступлення былі асуджаны да смяротнага пакарання, а на жыхароў горада накладзены штраф.
1813 год
— Бітва народаў. Такую назву ў сусветнай гісторыі атрымала бітва, якая пачалося ў гэты дзень ў 1813-м годзе каля нямецкага горада Лейпцыг. Саюзная армія ў складзе Расіі, Аўстрыі, Прусіі і Швецыі супрацьстаяла войскам Напалеона Банапарта. На баку французаў ваявалі палякі, італьянцы, бельгійцы, галандцы і іншыя народы. Па колькасці воінаў і ўзбраення перавага была на баку саюзнікаў. Баявыя дзеянні працягваліся чатыры дні. Толькі ў першы дзень страты склалі каля 30 тысяч байцоў з кожнага боку. Пазбегнуўшы поўнага разгрому, Напалеон адступіў. Былі вызвалены ад французаў Германія і Галандыя. Лейпцыгская бітва істотна паскорыла падзенне імперыі Напалеона ў наступным, 1814 годзе.
1941 год — нарадзілася Надзея Віктараўна Півень, беларускі вучоны ў галіне імуналогіі, доктар медыцынскіх навук (1993). Аўтар навуковых прац па механізмах імунарэгуляцыі арганізма, распрацоўцы новых сродкаў імунахімічнага аналізу біярэгулятараў і метадалогіі іх выкарыстання ў практычнай медыцыне. Лаўрэат Дзяржаўнай прэміі Беларусі (1988).
Вінцэнт Дунін-Марцінкевіч, класік беларускай літаратуры і драматургіі:
«Ды гэта ўжо, відаць, прысуджана спрадвеку, што дух пярэчання жыве ў чалавеку».
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!