1908 год — нарадзiўся (вёска Старынцы, цяпер Полацкi раён) Павел Емяльянавiч Купрыянаў, першы беларус, якi ўдастоены звання Героя Савецкага Саюза (1936). З 1929 года — у Чырвонай Армii, служыў у Беларускай ваеннай акрузе. З кастрычнiка 1936-га — удзельнiк грамадзянскай вайны 1936-1939 гадоў у Iспанii на баку рэспублiканцаў, камандзiр танка. Вызначыўся пад Мадрыдам, знiшчыўшы са сваiм экiпажам два варожыя танкi, восем гармат, некалькi дзясяткаў салдат працiўнiка. Загiнуў у баi ў 1936 годзе.
1917 год
— расiйскi iмператар Мiкалай II выпусцiў манiфест «Аб удасканаленнi дзяржаўнага парадку». Дакумент, якi быў падрыхтаваны графам Сяргеем Вiтэ i ўвайшоў у гiсторыю як манiфест 17 кастрычнiка, меў велiзарнае значэнне для Расii. Пад цiскам рэвалюцыйнай сiтуацыi, якая ўжо склалася на той момант, Мiкалай II дэклараваў падданым iмперыi палiтычныя i грамадзянскiя правы, адмяняў цэнзуру ў сродках масавай iнфармацыi, дазволiў прафсаюзы, шматпартыйнасць. Згодна з гэтым манiфестам, у Расii была склiкана Дзяржаўная Дума — першы вопыт расiйскага парламентарызму.
1947 год — нарадзiўся (вёска Мiлейкi Iвацэвiцкага раёна) Анатоль Сяргеевiч Пархута, заслужаны архiтэктар Беларусi (1999). Сярод работ: генпланы гарадоў Лiда, Смаргонь, Навагрудак, праекты рэгенерацыi гiстарычнага цэнтра Гродна, Лядовага палаца ў Гродне. Адзiн з аўтараў iнтэр'ераў Гродзенскага абласнога драматычнага тэатра, чыгуначнага вакзала, кiнатэатра «Кастрычнiк», гасцiнiцы «Амега» ў Гродне. Лаўрэат Дзяржаўнай прэмii Беларусi (1998).
Арцём Вярыга-Дарэўскi, паэт, драматург, публiцыст: «Дзейнiчай, працуй, аб'ядноўвай вузлом любовi, вучы славiць Бога, любiць суайчыннiкаў i мацi-радзiму».
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.