1738 год — нарадзiўся Андрэй Цiмафеевiч Болатаў. Удзельнiк сямiгадовай вайны з Прусiяй, сведка пакарання Пугачова. Тульскi памешчык, якi адмовiўся ад блiскучай прыдворнай кар'еры. Першы рускi аграном, фiлосаф, асветнiк, пiсьменнiк, мастак, вынаходнiк, фармацэўт i ўрач. Ён першым вучыў рускiх сялян вырошчваць бульбу i памiдоры. Склаў апiсанне больш як шасцiсот гатункаў яблынь i груш. Бясплатна лячыў мiкстурамi i электрычнасцю. Стварыў першы ў Расii дзiцячы драматычны тэатр. Выдаваў часопiсы i ствараў унiкальныя садова-паркавыя ансамблi. Пiсаў карцiны, п'есы, вершы, мемуары, фiласофскiя працы. Сэнсам яго жыцця стала паўната i радасць штодзённай творчасцi. Андрэй Болатаў перажыў восем расiйскiх цароў, напiсаў амаль 350 тамоў твораў па самых розных галiнах ведаў i быў пахаваны ў дзень свайго 95-годдзя, 18 кастрычнiка 1833 года.
1893 год
— 120 гадоў таму нарадзiўся Уладзiмiр Iосiфавiч Уладамiрскi (Малейка), беларускi акцёр, народны артыст Беларусi (1938) i СССР (1955). У 1924-1959 гадах — акцёр Беларускага тэатра iмя Я. Купалы (у 1944-м узначальваў франтавую тэатральную брыгаду). Акцёр шырокага творчага дыяпазону. Яго мастацтва выявiлася ў дакладнай перадачы псiхалогii герояў, пластычнасцi, яркасцi малюнка ролi, валоданнi iмправiзацыяй, уменнi карыстацца сцэнiчнай дэталлю, мiмiкай. Сярод роляў: Гушка («Айчына» К. Чорнага), Трыстан («Сабака на сене» Лопе дэ Вегi), Iван Каламiйцаў («Апошнiя» М. Горкага) i iншыя. Здымаўся ў фiльмах «Хто смяецца апошнiм», «Палеская легенда». Голас акцёра часта гучаў па радыё. Памёр у 1971 годзе.
1947 год — нарадзiўся (горад Кобрын) Алег Анатольевiч Стральчонак, беларускi вучоны, акадэмiк НАН Беларусi (1994). Аўтар больш за 180 навуковых прац, 35 вынаходнiцтваў. Даследаваннi ў галiне хiмii гармонаў i гарманальнай рэцэпцыi. За стварэнне i ўкараненне ў практыку аховы здароўя радыедыягнастычных набораў удастоены Дзяржаўнай прэмii Беларусi (1988).
Андрэй Волян, палiтычны дзеяч, фiлосаф, iдэолаг Рэфармацыi:
«Усякая чалавечая супольнасць ствараецца, галоўным чынам, каб забяспечыць сабе спакойнае, мiрнае жыццё, свабоднае ад звадаў i варожай пагрозы».
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.