Вы тут

«Белгіпсу» патрэбны перспектыўны інвестар


Дзяржаўны камітэт па маёмасці Беларусі аб'яўляе конкурс па адборы інвестара для ўдзелу ў прыватызацыі дзяржаўных акцый (99,5% статутнага фонду) адкрытага акцыянернага таварыства «Белгіпс», паведамілі рэдакцыі ў прэс-службе камітэта.

Пасля набыцця гэтага пакета каштоўных папер інвестар павінен выканаць пэўныя ўмовы конкурсу. Такім чынам, на працягу 5 гадоў з дня заключэння дагавора куплі-продажу акцый таварыства новы ўласнік павінен павялічыць статутны фонд прадпрыемства за кошт уласных інвестыцый на суму, эквівалентную не менш за 43 млн еўра, у тым ліку да 1 ліпеня 2016 года ў суме, эквівалентнай не менш за 24,7 млн еўра. Такія інвестыцыі будуць накіраваны на мадэрнізацыю на працягу двух гадоў дзеючай лініі па вытворчасці гіпсакардонных лістоў на айчынным прадпрыемстве з павелічэннем яе магутнасці да 10 млн кв. метраў у год. Умовы конкурсу прадугледжваюць будаўніцтва завода па вытворчасці будаўнічых матэрыялаў на аснове гіпсу ў раёне пасёлка Гатава Мінскага раёна (лініі па вытворчасці спецпліт магутнасцю да 500 тысяч кв. метраў у год, сухіх будаўнічых сумесяў магутнасцю да 100 тысяч тон у год, гіпсакардонных лістоў магутнасцю да 30 млн кв. метраў у год. Да пачатку 2019 года інвестар павінен захаваць на прадпрыемстве існуючую цяпер колькасць працоўных месцаў.

Прыём заяў ад патэнцыяльных інвестараў ажыццяўляецца сёлета да 1 лістапада. Продаж дзяржаўных акцый акцыянерных таварыстваў краіны ажыццяўляецца па рашэнні Прэзідэнта Рэспублікі Беларусь.

Сяргей КУРКАЧ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.