1795 год — у Пецярбургу падпiсана канвенцыя аб трэцiм падзеле Рэчы Паспалiтай. Да Расiйскай iмперыi далучалася заходняя частка Беларусi, частка Лiтвы (да Коўна) i Курляндыя. Паўднёва-заходняя частка Брэсцкага ваяводства адыходзiла да Аўстрыi, паўночна-заходняя частка Гродзеншчыны — да Прусii.
1881 год — у iспанскiм горадзе Малага нарадзiўся Пабла Руiс-i-Пiкаса, якi стаў вядомым на ўвесь свет французскiм мастаком Пабла Пiкаса. Генiй Пiкаса праявiў сябе з ранняга дзяцiнства. У 14 гадоў Пабла паступiў у Школу вытанчаных мастацтваў у Барселоне, за адзiн дзень выканаўшы экзаменацыйную работу, для выканання якой абiтурыентам адводзiўся цэлы месяц! У 1904 годзе, асеўшы ў Парыжы, адкрыў новы кiрунак у жывапiсе — кубiзм. У лiку самых першых па-сапраўднаму ацанiлi творчасць Пiкаса рускiя фiлосафы, крытыкi i калекцыянеры. Яшчэ ў 1914 годзе блiскучы аналiз яго работ зрабiў Мiкалай Бярдзяеў. Пiкаса пражыў доўгае i цiкавае жыццё, а яго творчасць змянiла традыцыйныя правiлы выяўленчага мастацтва. Карцiны Пiкаса знаходзяцца ў музеях i прыватных калекцыях усяго свету.
1939 год — нарадзiўся (горад Мiнск) Iгар Дзмiтрыевiч Валатоўскi, беларускi бiяфiзiк акадэмiк НАН Беларусi (1994), доктар бiялагiчных навук (1980), прафесар (1990), заслужаны дзеяч навукi Беларусi. Аўтар больш як 300 навуковых прац у галiне мембраннай бiяфiзiкi i фотабiялогii, геномiкi i пратэёмiкi. Вывучыў заканамернасцi бiялагiчнага дзеяння святла на ўзроўнi мембранных структур раслiнных i жывёльных сiстэм i сфармуляваў канцэпцыю аб структурна-мембранным кантролi фотабiялагiчных працэсаў у клетцы на прыкладзе функцыянавання фотарэцэпторнага i фотасiнтэтычнага апаратаў. Лаўрэат Дзяржаўнай прэмii Беларусi (1992).
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.