1811 год — нарадзiўся (вёска Кукавячына, цяпер Вiцебскi раён) Аляксандр Фелiксавiч Рыпiнскi, беларускi паэт, фалькларыст, графiк, кнiгавыдавец. Скончыў Вiцебскую гiмназiю. У 1829-1830 гадах вучыўся ў школе прапаршчыкаў у Дынабургу (цяпер Даўгаўпiлс), дзе пасябраваў з В. Кюхельбекерам. Удзельнiк паўстання 1830-1831 гадоў. Ратуючыся ад катаргi, эмiгрыраваў у Францыю, дзе зблiзiўся з Адамам Мiцкевiчам. Быў абраны членам Французскай акадэмii прамысловасцi, сельскай гаспадаркi, рамёстваў i гандлю. Выдаў фальклорна-этнаграфiчнае даследаванне «Беларусь», у якiм упершыню ў гiсторыi беларусiстыкi сiстэматызаваў вусную творчасць беларускага народа па жанрах i тэматыцы. З 1846 года жыў у Лондане, дзе займаўся выдавецкай i творчай дзейнасцю, выкладаў мовы, матэматыку i маляванне. Сам афармляў уласныя кнiгi, праявiў выключныя здольнасцi да мастацкай фатаграфii, стаў адным з пiянераў фотамастацтва. У 1852 г. заснаваў вольную друкарню, у якой выдаў свае паэтычныя кнiгi з уласнымi iлюстрацыямi. У 1859 годзе, пасля царскай амнiстыi, вярнуўся на радзiму. Працаваў над гiсторыяй беларускай лiтаратуры, стварыў шэраг бiяграфiй пiсьменнiкаў-беларусаў. Памёр у 1900 годзе.
1918 год — 95 гадоў таму на I Усерасiйскiм з'ездзе саюзаў рабочай i сялянскай моладзi ўтвораны Расiйскi камунiстычны саюз моладзi (РКСМ). Ганаровым старшынёй з'езда быў абраны У.I. Ленiн. З дакладам аб бягучым моманце па даручэннi ЦК партыi выступiў Емяльян Яраслаўскi. Да канца работы з'езда Ленiн прыняў спецыяльна абраную дэлегацыю i доўга гутарыў з ёй аб становiшчы спраў на месцах, аб задачах моладзi. З'езд аб'яднаў усе мясцовыя арганiзацыi ў адзiны Расiйскi камунiстычны саюз моладзi (РКСМ), зацвердзiў Статут саюза i асноўныя прынцыпы яго праграмы. У 1924 годзе арганiзацыя стала Ленiнскай, з 1926 года — Усесаюзнай.
1943 год — нарадзiўся Iван Iванавiч Сафонаў, заслужаны работнiк прамысловасцi Беларусi, лаўрэат Дзяржаўнай прэмii Рэспублiкi Беларусь. Унёс значны ўклад у развiццё прамысловасцi жыллёва-камунальнай гаспадаркi краiны, засваенне вытворчасцi новага пакалення беларускiх тралейбусаў i трамваяў. У 1988-2007 гадах — генеральны дырэктар УП «Белкамунмаш». Каардынацыйным камiтэтам мiжнароднай праграмы «Партнёрства дзеля прагрэсу» I.I. Сафонаву было прысвоена званне «Дырэктар года» з уручэннем дыплома i залатога медаля за камерцыйнае прадпрымальнiцтва i прафесiяналiзм.
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.