1812 год — нарадзіўся (вёска Крошын, цяпер Баранавіцкі раён) Паўлюк Багрым (Павел Восіпавіч Багрым), беларускі паэт. За распаўсюджванне антыпрыгонніцкіх вершаў быў здадзены ў рэкруты (праўда, гэта дакументальна не пацверджана). Працаваў у Крошыне кавалём. Да нашых дзён захаваўся толькі адзін верш — «Зайграй, зайграй, хлопча малы», шэдэўр беларускай лірыкі ХІХ ст. У Крошынскім касцёле захоўваецца металічная жырандоля работы Багрыма — узор мастацкага кавання. Памёр у 1891 годзе. У 1985-м у Крашыне адкрыты музей народнага мастацтва і рамёстваў імя Багрыма.
1840 год — нарадзіўся славуты французскі жывапісец Клод Манэ. Калі кажуць, што імпрэсіяністы ўмелі захаваць «момант няспыннага руху жыцця», то, перш за ўсё, маюць на ўвазе карціну Манэ «Бульвар Капуцынак у Парыжы». Аднак гэтая карціна, паказаная на Першай выставе імпрэсіяністаў, стала адной з тых, якія выклікалі найбольш насмешак і нападак публікі і прэсы.
1933 год — нарадзіўся (вёска Ніўкі Чачэрскага раёна) Вацлаў Юльянавіч Мінько, беларускі вучоны ў галіне геадэзіі, доктар тэхнічных навук (1993). Аўтар навуковых прац па геадэзіі і фотатапаграфіі.
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.