Вы тут

Вынікі тыдня 23-29 лістапада. Крызiс еўраiнтэграцыi i сенсацыi, якiх не заўважылi


Галоўнай тэмай мiнулага тыдня быў, безумоўна, самiт краiн — удзельнiц праграмы «Усходняе партнёрства», якi завяршыўся ў Вiльнюсе ўчора. Аднак прадказальнасць яго вынiкаў не магла не расчараваць назiральнiкаў.

Iранская здзелка Вашынгтона

У першую чаргу нельга было не ацанiць элегантную i эфектыўную працу амерыканскай дыпламатыi ў пытаннi iранскай ядзернай праграмы. Вашынгтон не толькi дамогся змены пазiцыi сваiх еўрапейскiх партнёраў, якiя раней былi настроены супраць заключэння пагаднення з Iранам, але i зрабiў гэта ў выхадны дзень, калi палiтычным навiнам традыцыйна надаецца менш увагi. Як трапна адзначыў кiраўнiк беларускага Цэнтра стратэгiчных i знешнепалiтычных даследаванняў Арсен Сiвiцкi, «пакуль увага ўсiх была сканцэнтравана на пытаннях еўраiнтэграцыi Украiны, амерыканцы пракруцiлi здзелку стагоддзя з Iранам».

Зрэшты, за «здзелкай стагоддзя» рушыла следам даволi жорсткая рэакцыя з боку Iзраiля, кансерватыўных колаў у Iране i шэрагу iншых суб'ектаў. Цалкам можна зразумець i незадаволенасць Еўрасаюза: спачатку ЗША ўцягнулi Брусель у санкцыi супраць Iрана, а затым самi перахапiлi гульню з Тэгеранам, пакiнуўшы Еўропу ў дурнях.

Рэванш Бруселя, якога не атрымалася

Арганiзаваць рэванш у стасунках з ЗША ЕС мог на пляцоўцы «Усходняга партнёрства». Але ў вынiку самiт скончыўся даволi сцiпла, хоць i павучальна. Азербайджан падпiсаў з ЕС пагадненне аб спрашчэннi вiзавага рэжыму. Грузiя парафiравала пагадненне аб асацыяцыi. Апошняя падзея, дарэчы, куды цiкавейшая, чым здаецца на першы погляд. З аднаго боку, яна была цалкам чаканай. Але ў той жа час асацыяцыя Грузii с ЕС ўяўляе сабой вiдавочнае паражэнне Масквы. I ў прыватнасцi, тых колаў у Маскве, якiя мелi агульныя бiзнес-iнтарэсы са спадаром Iванiшвiлi i лабiравалi падтрымку яго партыi на парламенцкiх выбарах у Грузii ў 2012 годзе. Менавiта пад схему з прыходам да ўлады «канструктыўнага» Iванiшвiлi ў свой час ажыццяўлялася добраахвотнае паслабленне пазiцый Расii ў Паўднёвай Асецii i Абхазii. Гэта значыць, чарговы раз асобныя чыноўнiкi зрабiлi бiзнес на геапалiтыцы за кошт пазiцый расiйскай дзяржавы. I гэта не засталося незаўважаным нi ў Бруселi, нi ў Вашынгтоне...

Што ж тычыцца Украiны, то яна чакана не падпiсала пагадненне аб асацыяцыi, што мы прагназавалi яшчэ ў мiнулым аглядзе вынiкаў тыдня.

Антынаркатычны фронт АДКБ

Аднак паралельна з самiтам ў Вiльнюсе цiкавыя падзеi адбывалiся i ў сталiцы Беларусi. У Мiнску прайшло пасяджэнне Каардынацыйнага савета кiраўнiкоў кампетэнтных органаў па супрацьдзеяннi незаконнаму абарачэнню наркотыкаў дзяржаў — членаў АДКБ. У ходзе гэтага мерапрыемства старшыня КСОСН АДКБ, кiраўнiк расiйскага Дзяржнаркакантролю Вiктар Iваноў палiчыў неабходным згадаць i вiльнюскае мерапрыемства. У азартным руху Еўрасаюза на Усход, лiчыць Iваноў, забываецца больш значны для людзей напрамак — антынаркатычны. I прывёў у прыклад сiтуацыю ў Афганiстане, дзе пры велiзарнай ваеннай прысутнасцi НАТА, уключаючы вайсковыя кантынгенты еўрапейскiх дзяржаў, створана i квiтнее глабальная па маштабе iндустрыя наркавытворчасцi, якая вырабляе да 800 тон гераiну за год. Кiраўнiк расiйскай наркапалiцыi зноў пацвердзiў неабходнасць надання феномену афганскай наркавытворчасцi статусу пагрозы мiжнароднаму мiру i бяспецы на ўзроўнi Савета Бяспекi Арганiзацыi Аб'яднаных Нацый.

Там жа, адказваючы на пытаннi журналiстаў, Мiнiстр унутраных спраў Беларусi Iгар Шуневiч адзначыў, што праблематыка барацьбы з наркапагрозай на сённяшнi дзень разглядаецца, у першую чаргу, на лакальным i рэгiянальным узроўнях. Але гэтая абмежаванасць падыходаў «абумоўлена тым, што, на нашу думку, шэраг дзяржаў i ў першую чаргу — дзяржавы Еўропы гэтую пагрозу, пагрозу наркатызацыi, так востра не ўспрымаюць, мяркуючы, што нейкай буфернай зонай тут будзе з'яўляцца прастора АДКБ, постсавецкая прастора. У чым яны, вядома ж, памыляюцца. Таму што наркатрафiк, як мы ведаем, межаў не мае. I наша глыбокае перакананне, што ён уяўляе такую ж рэальную пагрозу для ўсяго цывiлiзаванага свету». Мiнiстр падтрымаў пазiцыю свайго расiйскага калегi i адзначыў, што падыходы да праблемы наркавытворчасцi «трэба сёння падымаць на глабальны ўзровень i выносiць на абмеркаванне ўсёй сусветнай супольнасцi».

Дарэчы, гэта i будзе зроблена ў чэрвенi 2014-га на самiце Вялiкай Васьмёркi, якi пройдзе пад старшынствам Расii ў Сочы.

Пакуль жа краiны АДКБ (дарэчы, на пасяджэннi Каардынацыйнага савета прысутнiчала i дэлегацыя Украiны) ствараюць рэгiянальныя механiзмы барацьбы з наркапагрозай. Гэта, перш за ўсё, Цэнтр антынаркатычных аперацый АДКБ i антынаркатычная стратэгiя АДКБ да 2020 года. Адпаведныя дакументы былi ўхвалены ў Мiнску ў чацвер i адпраўлены на зацвярджэнне кiраўнiку дзяржавы. Акрамя таго, будзе створаны Цэнтр падрыхтоўкi наркапалiцэйскiх у рамках АДКБ.

Унутранае поле

На фоне бурных падзей на мiжнароднай арэне сiтуацыя ў Рэспублiцы Беларусь была даволi спакойнай.

У складанай сiтуацыi вакол сертыфiкацыi прадукцыi легпрама, што iмпартуецца, у адпаведнасцi з тэхрэгламентамi Мытнага саюза ў якасцi кампрамiснага рашэння была распрацавана iнструкцыя па праходжаннi адпаведных працэдур. Дзяржаўны камiтэт па стандартызацыi спадзяецца, што гэта дапаможа знiзiць вастрыню праблемы.

Пад крытыку з боку Савета Мiнiстраў падпала кiраўнiцтва аднаго з флагманаў беларускага машынабудавання — ААТ «БелАЗ» — за неразваротлiвасць у дзеяннях на рынку.

А ўрад, у сваю чаргу, разам з Нацбанкам был раскрытыкаваны Прэзiдэнтам за невыкананне прагнозных паказчыкаў на 2013 год i недастатковую рэалiстычнасць планаў на наступны год.

«Павiнен сказаць, што мяне сур'ёзна турбуе некаторая адарванасць цяперашняга праекта прагнозу ад рэальнага жыцця», — сказаў на нарадзе Аляксандр Лукашэнка, па сутнасцi, абвiнавацiўшы Саўмiн у фармальным выкананнi сваiх абавязкаў.

I дадаў, што адпаведныя кадравыя рашэннi варта чакаць у першым квартале 2014-га...

Юрый Царык

 

Папярэднія матэрыялы:

Вынікі тыдня 16-22 лістапада. Сітуацыя вакол Беларусі становіцца больш дынамічнай

 

Этот материал на русском языке.

Выбар рэдакцыі

Культура

Пошук вечнага жыцця

Пошук вечнага жыцця

Шмат разоў, збочыўшы з брэсцкай трасы, праязджаючы ад Міра да Карэліч, царкву на могілках каля вёскі Загор'е выхопліваеш літаральна за лічаныя секунды.

Спорт

Ірына Курачкіна заваявала серабро Алімпійскіх гульняў!

Ірына Курачкіна заваявала серабро Алімпійскіх гульняў!

 У фінале спаборніцтваў па жаночай барацьбе яна ўступіла японцы Рысака Каваі. 

Грамадства

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Па заказе ЗАТ «Другі нацыянальны тэлеканал» — АНТ з 5 па 21 ліпеня Аналітычны цэнтр ЕсооМ з прыцягненнем фонду «Украінская палітыка» правёў

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах.