Вы тут

У музея — юбілей


Віцебскаму абласному краязнаўчаму музею споўнілася 95 гадоў. Але насамрэч ён значна старэйшы: у 1868 годзе першы музей у Віцебску запрацаваў пры губернскім статыстычным камітэце.

— Наш музей быў заснаваны 12 лістапада 1918 года загадам Віцебскага губернскага аддзела народнай асветы. Адкрыты для наведвальнікаў у маі 1919 года — у будынку былой духоўнай семінарыі. Восенню 1924 года Саўнаркамам БССР была прынята пастанова аб стварэнні Віцебскага аддзялення Беларускага дзяржаўнага музея, які размясціўся ў будынку былой гарадской ратушы, — расказалі ў музейнай установе.

Цікава, што абласны краязнаўчы музей за доўгія гады свайго існавання яшчэ шмат разоў мяняў назвы. Напрыклад, у канцы 1920 х — пачатку 1930 х гадоў гараджане і госці горада наведвалі «Віцебскі культурна-гістарычны музей», потым — «Віцебскі сацыяльна-гістарычны музей»… А цяперашнюю назву музей атрымаў толькі ў пачатку 1950 х гадоў.

У мастацкім музеі, які ўваходзіць у склад Віцебскага абласнога краязнаўчага, ёсць арыгіналы палотнаў вядомых на ўвесь свет майстроў: Рэпіна, Левітана, Шышкіна, Хруцкага. Гонар гэтага музея — калекцыя работ Пэна, першага настаўніка Шагала.

Сядзіба Рэпіна, што пад Віцебскам, — гэта філіял музея-юбіляра. Мастак Ілья Яфімавіч Рэпін на працягу 1892–1902 гг. праводзіў летнія сезоны ў маёнтку «Здраўнёва». І Літаратурны музей, і Музей прыватных калекцый уваходзяць у склад краязнаўчага. На жаль, будынкі, дзе раней размяшчаліся экспазіцыі двух вышэйзгаданых музеяў, сёння не працуюць.

У краязнаўчым праводзяцца навукова-практычныя канферэнцыі, прэзентацыі. Надоўга запомніцца гараджанам і баль. А падчас міжнароднага фестывалю мастацтваў «Славянскі базар у Віцебску» ў ратушы ў рамках фэсту традыцыйна адкрываюцца выставы. І самыя знакамітыя творцы лічаць за гонар «выставіцца» менавіта ў гэтым прыгожым будынку.

Аляксандр ПУКШАНСКІ.

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.