Вы тут

Мясцовыя навіны — у рэжыме анлайн


Сайт раённай газеты павінен выконваць функцыі «гарачай лініі». Пра гэта заявіў міністр інфармацыі Алег Праляскоўскі ў Салігорску падчас работы рэспубліканскага семінара кіраўнікоў дзяржаўных рэгіянальных друкаваных СМІ.

1386818985813_1

Міністр адзначыў, што за гады сваёй работы на пасадзе пабываў у кожнай раённай газеце краіны. «Нашы раённыя газеты аснашчаны вельмі добра, ідуць у нагу з часам, у іх ёсць інтэрнэт-версіі, да якіх звяртаюцца з усяго свету», — сказаў ён. Важна, што сайт пачынае выконваць функцыю «гарачай лініі», паколькі не ўсе рэгіянальныя выданні выходзяць штодзень. «Навіны раёна, горада ідуць у рэжыме анлайн. У друкаванай версіі выдаюцца больш вялікія аналітычныя матэрыялы. На гэта мы арыентуем раённыя газеты», — адзначыў міністр.

Алег Праляскоўскі падкрэсліў, што рэгіянальная прэса займае сваю нішу ў інфармацыйным полі Беларусі, выконваючы функцыю грамадска-палітычнага інфармавання грамадзян. Па папулярнасці рэгіянальная прэса займае вядучае месца ў краіне, падкрэсліў міністр, звярнуўшы ўвагу, што разавы тыраж рэгіянальных газет (991 тыс.) перасягнуў тыраж рэспубліканскіх. А па сукупным рэйтынгу раёнкі сапернічаюць з газетай «Советская Белоруссия».

1386818988550_2

Паводле слоў міністра, з больш як 130 рэдакцый абласных, гарадскіх і раённых газет 90 — самаакупныя выданні. Гэта сведчыць аб тым, што з боку нешматлікіх апанентаў крытыка дзяржаўнага фінансавання рэгіянальнай прэсы неабгрунтаваная. «Газета нясе дзяржаўную інфармацыю, і гэта невялікая падтрымка была, ёсць і будзе. Некаторым яна не патрэбна, але дзяржава заўсёды будзе аддаваць належнае гэтым выданням», — заявіў Алег Праляскоўскі.

Сфера друкаваных СМІ Беларусі актыўна рэфармуецца, у тым ліку і на рэгіянальным узроўні. Так, у Магілёўскай вобласці на базе аблгазет было створана інфармацыйнае агенцтва «Магілёўскія ведамасці». У Віцебскай вобласці на базе абласных газет «Віцебскі рабочы» і «Народнае слова» створана рэдакцыя новага абласнога выдання «Витебские вести», якое ўжо сёння абяцае стаць канкурэнтаздольным на рэгіянальным рынку.

Удзельнікі мерапрыемства наведалі шэраг аб'ектаў Салігорскага раёна, а ў час пленарнага пасяджэння разгледзелі актуальныя пытанні развіцця рэгіянальнай прэсы.

Выбар рэдакцыі

Палітыка

Се Сяаюн: Супрацоўніцтва Кітая і Беларусі — прыклад міжнародных адносін новага тыпу

Се Сяаюн: Супрацоўніцтва Кітая і Беларусі — прыклад міжнародных адносін новага тыпу

Беларусь і Кітай адзначаюць адметную дату — 30-годдзе ўстанаўлення дыпламатычных адносін.

Грамадства

Дзе падпрацаваць пасля Новага года?

Дзе падпрацаваць пасля Новага года?

Псіхолагі раяць пачынаць не з маніторынгу рынку, а з некалькіх пытанняў самому сабе — каб вызначыцца з прыярытэтамі.

Грамадства

Уладзімір Мішчанчук: Марым аб брыльянтавым вяселлі

Уладзімір Мішчанчук: Марым аб брыльянтавым вяселлі

Уладзімір Мішчанчук — заслужаны артыст БССР, дэкан тэатральнага факультэта БДАМ, прафесар.

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.