Вы тут

Каб свята не азмрочыць


Напрыканцы кожнага года сталіца нібыта ператвараецца ў прыфрантавы горад. Складана знайсці зацішнае месца, дзе не гучалі б «кананады» ад выбухаў петард і іншых піратэхнічных вырабаў. Безумоўна, весяліцца з нагоды свят ніхто не забараняе. Але, каб забава не ператварылася ў трагедыю, трэба ўспомніць і правілы бяспекі. Аб чым рэгулярна нагадваюць супрацоўнікі МНС.

1386819050235_12-38

Што і казаць, навагоднія і калядныя ночы для выратавальнікаў праходзяць у вельмі напружаным рэжыме. Колькасць загінулых на пажарах павялічваецца амаль утрая. Акрамя «класічных» прычын трагічных выпадкаў кшталту засынання з непатушанай цыгарэтай ці няспраўнасці ацяпляльных прыбораў, да іх далучаюцца і спецыфічныя. Здараецца так, што людзі не жадаюць набываць бяспечныя электрычныя гірлянды ў магазіне, а карыстаюцца самаробнай ілюмінацыяй, нярэдка з адкрытым полымем.

— Да таго ж нашы людзі часта пераацэньваюць габарыты сваіх жылых памяшканняў. Не трэба, каб ёлка ўпіралася ў столь. Адлегласць пры яе ўстаноўцы павінна быць не меншай за метр, як і ад сцен, — раіць першы намеснік начальніка ўпраўлення нагляду і прафілактыкі Міністэрства па надзвычайных сітуацыях Уладзімір Сувораў. — Але сапраўдны галаўны боль для нас — гэта выкарыстанне піратэхнікі.

Міні-салюты, бенгальскія агні, петарды — без гэтага не абыходзіцца ні адзін Новы год. Аднак жаданне дарослых сэканоміць крыху грошай і купіць піратэхніку, як кажуць, «з пад палы» можа скончыцца вельмі дрэнна. Інструкцыя па правільным выкарыстанні да такой несертыфікаванай прадукцыі або зусім адсутнічае, або напісана ў лепшым выпадку калі не на кітайскай, то на англійскай мове. Узровень валодання замежнымі мовамі ў большасці насельніцтва вымушае жадаць лепшага. Як вынік, пры запуску такіх вырабаў даводзіцца спадзявацца выключна на ўласны вопыт і інтуіцыю. Аднак гэтая гісторыя можа скончыцца дрэнна — напрыклад, у апёкавым аддзяленні бальніцы. Выбітае вока, лопнуўшая барабанная перапонка, рваныя раны рук, апёкі — вось вынік неасцярожнага і няўмелага абыходжання з піратэхнікай.

— Летась ад яе пацярпеў 21 чалавек, у тым ліку сямёра дзяцей. Бацькі проста грэбуюць элементарнай тэхнікай бяспекі, дазваляючы запускаць петарды малым, — наракае Уладзімір Сувораў. — Таму я рэкамендаваў бы проста адмовіцца ад выкарыстання піратэхнікі. Былі ж нават выпадкі, калі петарда па розных прычынах ляцела «не туды», прабівала аконнае шкло, трапляла ў кватэру і выклікала пажар. Але калі без гучнага святкавання зусім ніяк не абысціся, то набывайце піратэхніку толькі ў спецыялізаваных гандлёвых кропках і патрабуйце на яе сертыфікат са зразумелай інструкцыяй.

Валяр'ян ШКЛЕННІК.

Выбар рэдакцыі

Палітыка

Ягор Макарэвіч: Маладзёжны парламент — магчымасць рэалізаваць свой патэнцыял

Ягор Макарэвіч: Маладзёжны парламент — магчымасць рэалізаваць свой патэнцыял

Узначальвае яго выпускнік Акадэміі кіравання пры Прэзідэнце, юрыст-пачатковец Ягору Макарэвічу.

Грамадства

Стратэгія развіцця Міханавіцкага сельсавета: карбонавая ферма і новы культурны цэнтр

Стратэгія развіцця Міханавіцкага сельсавета: карбонавая ферма і новы культурны цэнтр

Ёсць праекты, якія не патрабуюць укладанняў сродкаў, а толькі ўвагі і настойлівасці.