Вы тут

«Вітамінныя» міфы: каб прадаць, трэба пераканаць...


Артыкул з загалоўкам «Кідайце марна выдаткоўваць грошы на вітамінныя і мінеральныя дабаўкі» апублікаваў нядаўна адзін з самых папулярных у ЗША медыцынскіх часопісаў Annals of Іnternal Medіcіne.

«Мы лічым пытанне закрытым: уключэнне ў дыету людзей, якія добра харчуюцца, мінеральных ці вітамінных дабавак, не прыносіць яўнай карысці і можа нават аказацца шкодным. Гэтыя вітаміны не трэба прымяняць для прафілактыкі хранічных захворванняў. Хопіць!» — сцвярджаюць аўтары артыкула, пяць урачоў са школы аховы здароўя ўніверсітэта імя Джонса Хопкінса і брытанскай медыцынскай школы Уорвікскага ўніверсітэта.

«Бэта-карацін, вітамін Е, а магчыма, і вітамін А ў вялікіх дозах — шкодныя, — папярэджваюць яны. — Іншыя антыаксіданты, фоліевая кіслата і вітаміны групы В, а таксама полівітаміны і мінеральныя дабаўкі неэфектыўныя ў папярэджванні смяротнасці ў выніку галоўных хранічных захворванняў».

Гэты артыкул стаў яшчэ адным аргументам для прыхільнікаў меркавання, што вітамінныя дабаўкі не прыносяць карысці людзям, якія іх спажываюць, і што самым лепшым выйсцем з'яўляецца збалансаваная дыета.

Аўтары артыкула гадамі назіралі за тым, як назапашваюцца навуковыя звесткі пра немэтазгоднасць прымянення дабавак, у той час як людзі набываюць іх усё больш. «Нягледзячы на відавочныя доказы іх бескарыснасці і магчымай шкоды, амерыканцы ўсё часцей ужываюць полівітамінныя дабаўкі. Колькасць такіх людзей павялічылася з 30% у 1988 годзе да 39% у 2006 годзе. Прымяненне пажыўных дабавак таксама вырасла з 42% да 53%, — пішуць аўтары артыкула. — На продажы вітамінаў і іншых дабавак не ўплываюць вынікі буйных даследаванняў, якія сведчаць пра іх нулявую карысць, а амерыканская галіна па вытворчасці дабавак працягвае развівацца. У 2010 годзе гадавы аб'ём яе продажу склаў 28 мільярдаў долараў».

Надзея НІКАЛАЕВА

Выбар рэдакцыі

Калейдаскоп

«I гэты чалавек застаўся жыць...» Медыкі ў беларускай літаратуры. Тэст

«I гэты чалавек застаўся жыць...» Медыкі ў беларускай літаратуры. Тэст

Кожную трэцюю нядзелю червеня адзначаецца Дзень медыцынскага работніка.