Шаноўная рэдакцыя газеты «Звязда»! Я ваша даўняя падпісчыца — ажно з 1991 года! І таму звяртаюся да вас па дапамогу або па тлумачэнне. Я падключыла тэлебачанне «ZALA» ў лістападзе мінулага года ў спадзяванні глядзець каналы «Настальгія» і «Культура». Асабліва імпануе мне і маім аднагодкам канал «Настальгія». Але ж, на вялікі жаль, ні я, ні хто іншы з маіх сяброў гэты канал не знайшлі. Маладзейшыя гледачы кажуць, што ён «плаваючы». Хтосьці сцвярджае, што яго ўвогуле знялі. Калі гэта так, дык навошта сістэматычна друкаваць праграму перадач гэтага канала? Для старэйшага пакалення «Настальгія» — любімы канал, бо серыялы і баевікі — не наш «рэпертуар». Хто дапаможа? Хто падкажа? Можа, ваша газета адгукнецца на нашу просьбу?
Аліна Канстанцінаўна ГАРБАНЧУК, пасёлак Жарнасекі Полацкага раёна.
Пытанні чытачкі мы пераадрасавалі прэс-службе РУП «Белтэлекам». І вельмі хутка атрымалі на іх адказы наступнага зместу.
— Канал «Настальгія» дэманстраваўся па інтэрактыўным тэлебачанні «ZALA» ў базавым пакеце ў тэставым рэжыме два месяцы — да 1 верасня мінулага года. Пра гэта напісана на нашым сайце, — патлумачылі рэдакцыі. — Адначасова, такім чынам, могуць дэманстраваць свае праграмы ў тэставым рэжыме, напрыклад, пяць каналаў. Гэта робіцца для таго, каб даведацца, чаму канкрэтна аддае перавагу глядацкая аўдыторыя. У залежнасці ад набранай папулярнасці (гэта адсочваецца аўтаматычна) потым прымаецца рашэнне: пакінуць той ці іншы канал у базавым пакеце ці перавесці яго ў дадатковы пакет. Тэставы паказ каналаў прызначаны найперш для папаўнення дадатковых пакетаў, бо базавы ў асноўным сфарміраваны. Але робіцца гэта ў тым ліку і проста для змянення напаўнення пакетаў каналамі — каб павысіць цікавасць глядацкай аўдыторыі да тэлепрадукту ўвогуле.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».