Напярэдадні Новага года ў цэнтральнай бібліятэцы г. Жодзіна адкрылася выстава савецкіх ёлачных цацак, арганізатарам якой удалося ўзнавіць атмас
феру мінулага. Старыя паштоўкі і газеты, шары з савецкай сімволікай і выявамі правадыроў пралетарыяту, фігуркі касманаўтаў, цацкі з ваты…
— Людзі з ахвотай перадавалі нам свае крохкія ўспаміны, засмучаліся, што многае пабілася ці згубілася, — кажа ідэйны арганізатар выставы мастачка Алена Пятроўская. — Аднак тыя, хто даваў нам цацкі толькі на час выставы, потым, пабываўшы на ёй, вырашылі зрабіць падарунак… Бо гэта сапраўдная прыгажосць, якая павінна радаваць іншых.
Сама цацка, паводле слоў Алены Аляксандраўны, рэч унікальная. Па ёй, напрыклад, людзі могуць прасачыць гісторыю нашай краіны. Напрыклад, як зорка з каляднай ператварылася ў савецкую? Васьміканцовую Віфлеемскую памянялі на пяціканцовую, анёлаў — на піянераў і чырвонаармейцаў, потым яшчэ і на ёлачных цацках з'явіліся серп і молат, хрушчоўская кукуруза, касманаўты, спадарожнік «Мір»…
Усё гэта і шмат чаго іншага да канца студзеня можна ўбачыць на выставе «Крохкія ўспаміны».
Віталь ЖУРАЎСКІ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.