Сталічная ДАІ папярэджвае, што ў сувязі са знаходжаннем каўчэга з Дарамі валхвоў у царкве Іова шматпакутніка, размешчанага ў Доме міласэрнасці, тэрыторыя апошняга, а таксама прылеглая будуць закрытыя для руху і паркоўкі транспарту.
Грамадзянам рэкамендуецца скарыстацца паслугамі грамадскага транспарту. Самы зручны варыянт — дабрацца да станцыі метро «Усход». Зрабіць гэта можна як наземным транспартам (аўтобусы, тралейбусы, маршрутныя таксі), так і на метро. Колькасць транспарту на час знаходжання Дароў валхвоў у Мінску будзе павялічана. Ад прыпынку да Дома міласэрнасці лепш прайсці пехатой, раяць у сталічнай Дзяржаўтаінспекцыі. Інспектары будуць ва ўзмоцненым рэжыме маніторыць сітуацыю, сачыць за захаваннем правілаў дарожнага руху, правілаў спынення і паркоўкі, а таксама за бяспекай на дарогах.
Паводле інфармацыі дзяржаўнага прадпрыемства «Мінсктранс», на час знаходжання ў сталіцы Дароў валхвоў будзе арганізавана праца аўтобуснага маршрута № 900 «Ст.м. «Усход» — Дом міласэрнасці». Ён будзе абслугоўваць пасажыраў 18-23 студзеня — з 7 да 23 гадзін, 24 студзеня — з 7 да 15.30. Адначасова на той жа перыяд на тэрыторыі, прылеглай да Дома міласэрнасці, для абагрэву паломнікаў будзе размешчана пяць аўтобусаў асабліва вялікай умяшчальнасці.
Сяргей РАСОЛЬКА
Канцэрт для дзяцей і моладзі, пластычны спектакль Ягора Дружыніна і «Рок-панарама».