Святлана Ермаковіч, настаўнік-дэфектолаг:
1. «Чарлі і шакаладная фабрыка». Калі робіцца зусім холадна і не да прагулак, самае лепшае — сядзець дома, захутаўшыся ў коўдру, і глядзець добрае кіно. Напрыклад, такое — каб адчуць атмасферу чараўніцтва і крыху падоўжыць адчуванне Новага года.
2. «Дзень сурка».
У кожнага з нас здараюцца няўдалыя дні. Але перш, чым скардзіцца на жыццё, паспрабуйце ўявіць, што УСЕ астатнія дні будуць падобны да гэтага. Адразу пачынаеш радавацца, што ўсё дрэннае рана ці позна мінае, і вучышся рабіць высновы з уласных памылак. На мой погляд, гэты фільм наогул адзін з лепшых сродкаў ад зімовай дэпрэсіі.
3. «Са мною вось што адбываецца». Я параіла б гэты фільм усім, хто стаміўся ў соты раз глядзець «Іронію лёсу». Не вельмі доўгае і вельмі душэўнае кіно пра тое, што ў жыцці бываюць маленькія цуды, і пра тое, як дзецям і дарослым, бывае, нестае цеплыні адзін аднаго...
4. Вялікі мультфільм «Ледавіковы перыяд». Спачатку я зачапілася за яго краем вока, калі дочкі глядзелі на канікулах, а потым і самой так спадабалася, што сабрала на дысках усе чатыры часткі і з нецярпеннем чакаю выхаду наступнай.
5. «Каханне ў вялікім горадзе 3». Без усякіх прэтэнзій на філасофскія глыбіні, проста добры, лёгкі і досыць забаўны, месцамі сентыментальны фільм. А чаму ён зімовы? Бо выйшаў у пракат толькі гэтай зімой. Мы ўсёй сям'ёй зусім нядаўна глядзелі яго ў кінатэатры, спадабалася нават больш, чым папярэднія часткі.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.