Навум Гальпяровіч, беларускі паэт, празаік, публіцыст, тэлевядучы:
1. «Каласы пад сярпом тваім» Уладзіміра Караткевіча. Рамантычная гісторыя, якая распавядае пра падзеі на тэрыторыі Беларусі і яе герояў. Кніга спрыяе выхаванню патрыятызму, высакародных якасцяў чалавека ў розных абставінах. Разбурае стэрэатыпы пра беднасць і непісьменнасць нашай краіны. А ў дадатак раю «Дзікае паляванне караля Стаха» Караткевіча: захапляльны дэтэктыў, які з аднолькавай цікавасцю прачытаюць і дарослыя, і дзеці. Там шмат таямнічага і загадкавага, і ў той жа час твор носіць пазітыўны характар.
2. «Меч князя Вячкі» Леаніда Дайнекі.
Аповед пра далёкую гісторыю нашай краіны. Аўтар маляўніча і цікава расказвае пра падзеі, і вобразы гістарычных асоб паўстаюць ярка і даступна.
3. «Сотнікаў» Васіля Быкава. Яркі псіхалагічны твор, які нагадвае біблейскую прыпавесць аб сіле духу і слабасці чалавека, ставіць герояў перад выбарам. Нездарма аўтар фільма па творы Ларыса Шапіцька назвала яго «Узнясенне».
4. «Цяжка быць Богам» братоў Стругацкіх. Цікавая фантастычная гісторыя, якая, нягледзячы на дынамізм і прыгодніцкі жанр, мае глыбокі філасофскі падтэкст: пра тое, як невуцтва і цемрашальства можа быць горам і бядой для народа. З чаго нараджаецца звычайны фашызм.
5. «Майстар і Маргарыта» Міхаіла Булгакава. Твор на ўсе часы, ён выклікае шмат думак і асацыяцый. За захапляльным сюжэтам тояцца глыбінныя хрысціянскія запаведзі, роздум пра месца чалавека ў свеце.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».