Вы тут

Агульныя арыенціры


17 студзеня 2014 года прэзідэнт Рэспублікі Казахстан Нурсултан Назарбаеў выступіў з Пасланнем да народа«Казахстанскі шлях - 2050: Адзіная мэта, адзіныя інтарэсы, адзіная будучыня», якое абазначыла стратэгічныя прыярытэты развіцця казахстанскага грамадства і дзяржавы на бліжэйшыя некалькі дзесяцігоддзяў.

Беларусь, як і Казахстан, з'яўляюцца параўнальна маладымі дзяржавамі, толькі пачынаюць асвойваць мастацтва стратэгічнага планавання. Так, у снежні 2012 года ў Казахстане была прынята стратэгія «Казахстан-2050», мэтай якой з'яўляецца стварэнне грамадства дабрабыту на аснове моцнай дзяржавы, развітой эканомікі, уваходжання Казахстана ў трыццатку самых развітых краін свету. Сёння, калі ў беларускім грамадстве пачалося актыўнае абмеркаванне канцэпцыі «Беларусь-2020», якая ўяўляе сабой доўгатэрміновы план развіцця канкурэнтаздольнай эканомікі краіны і грамадства, стратэгія «Казахстан-2050» можа служыць у якасці прыкладу таго, якім чынам дзяржавы і грамадства на постсавецкай прасторы бачаць і праектуюць сваю будучыню. Гэта тым больш важна, бо многія стратэгічныя арыенціры, замацаваныя ў стратэгіі «Казахстан-2050» актуальныя і для Беларусі. Больш за тое, яны неаднаразова гучалі з вуснаў кіраўніка беларускай дзяржавы Аляксандра Лукашэнкі ў дачыненні да нашага кантэксту.

«Лёгкай прагулкі»па ХХІ стагоддзю не будзе

Ужо сёння Казахстан рыхтуецца да таго, што рух да вызначанай у 2050 годзе мэты будзе ажыццяўляцца ва ўмовах няпростай глабальнай канкурэнцыі. Таму для таго, каб стаць паспяховай краінай і трапіць у Топ-30 дзяржаў свету Казахстан павінен прайсці праз шлях глыбокай мадэрнізацыі, мець высокія паказчыкі інвестыцый, навуковых распрацовак, прадукцыйнасці працы, развіцця бізнесу, стандартаў жыцця насельніцтва.

У адпаведнасці з базавымі індыкатарамі краін Арганізацыі эканамічнага супрацоўніцтва і развіцця гэта прадугледжвае дасягненне ў эканоміцы Казахстана штогадовага росту ВУП не ніжэй за 4 працэнты, забеспячэнне павелічэння аб'ёму інвестыцый з цяперашніх 18  працэнтаў да 30 працэнтаў ад усяго аб'ёму ВУП, укараненне навукаёмістай мадэлі эканомікі, стварэнне новых высокатэхналагічных галін эканомікі, рост фінансавання навукі да ўзроўню не ніжэй 3 працэнтаў ад ВУП, фарміраванне перадавой адукацыйнай інфраструктуры, стварэнне эфектыўнай сістэмы падтрымкі студэнтаў і навучэнцаў з высокай паспяховасцю і г.д. Важным удзельнікам на гэтым шляху пераўтварэнняў бачыцца малы і сярэдні бізнес Казахстана, які да 2050 года будзе вырабляць не менш за 50 працэнтаў аб'ёму ВУП Казахстана замест цяперашніх 20 працэнтаў.

Гэта таксама прадугледжвае, што Казахстан павінен стаць адной з самых бяспечных і камфортных для пражывання людзей краі най свету, заснаванай на прынцыпах міру і стабільнасці, справядлівага правасуддзя і эфектыўнага правапарадку.

Інавацыйная эканоміка — залог паспяховага развіцця дзяржавы

Для таго, каб Казахстан змог увайсці ў лік 30 самых развітых краін свету, неабходна выканаць шэраг задач, галоўнымі з якіх з'яўляюцца фарсіраванае індустрыяльна-інавацыйнае развіццё, паглыбленне інтэграцыі сваёй эканомікі ў рэгіянальную і глабальную эканамічныя сістэмы, перш за ўсё - за кошт удзелу Казахстана ў фарміраванні Еўразійскага эканамічнага саюза і ўступлення ў Сусветную гандлёвую арганізацыю.

Акрамя ўкаранення новых падыходаў да кіравання ў традыцыйных здабываючым, перапрацоўчым і аграрна-прамысловым сектарах эканомікі Казахстана, гэта таксама прадугледжвае стварэнне галін мабільных і мультымедыйных, нана і касмічных тэхналогій, робататэхнікі, геннай інжынерыі, пошуку і адкрыцця энергіі будучыні. Для вырашэння гэтай задачы неабходна павышэнне патэнцыялу казахстанскай навукі, удасканаленне заканадаўства па венчурным фінансаванні, абароне інтэлектуальнай уласнасці, падтрымцы даследаванняў і інавацый, а таксама камерцыялізацыі навуковых распрацовак. У сувязі з гэтым Казахстан плануе актыўна прыцягваць замежныя інвестыцыі, цалкам выкарыстоўваць іх для трансферту ведаў і новых тэхналогій, ствараць сумесна з замежнымі кампаніямі праектныя і інжынірынгавыя цэнтры.

Безумоўна, важная роля ва ўсіх гэтых працэсах належыць удасканаленню дзяржаўных інстытутаў. Сёння ў Казахстане адбываецца актыўнае ўкараненне прынцыпаў мерытакратыі ў кадравую палітыку дзяржаўных прадпрыемстваў, нацыянальных кампаній і бюджэтных арганізацый. У цэлым структура дзяржаўных органаў Казахстана павінна адпавядаць вырашэнню задач дзеля рэалізацыі мэтаў стратэгіі. Акрамя гэтага, існуе неабходнасць абнаўляць інструменты ўзаемадзеяння дзяржавы з няўрадавым сектарам і бізнесам.

Натуральна, што маштабныя дзяржаўныя пераўтварэнні немагчыма правесці без надання новых імпульсаў развіццю ўсеказахстанскай культуры. Менавіта таму ўжо цяпер у Казахстане важнае значэнне надаецца фарміраванню канкурэнтаздольнай культурнай ментальнасці.

Ёсць чаму павучыцца

Як відаць, сёння ў Беларусі працякаюць дыскусіі, аналагічныя тым, якія атрымалі сваё афармленне ў выглядзе стратэгічных канцэпцый развіцця Казахстана, пачынаючы ад пытанняў эканамічнай мадэрнізацыі, рэформы дзяржаўных інстытутаў і заканчваючы фарміраваннем новай культурнай палітыкі. Усё гэта сведчыць аб тым, што Беларусь ідзе ў правільным накірунку. Аднак, каб гарантаваць поспех выбранага шляху, гэты рух запатрабуе больш сістэмнага падыходу ў пытаннях стратэгічнага планавання развіцця беларускай дзяржавы і грамадства.

Арсен СІВІЦКІ,

дырэктар Цэнтра стратэгічных і знешнепалітычных даследванняў

Этот материал на русском языке.

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.