Днямі буйное замежнае прадпрыемства — Карпарацыя «Волма» — заключыла дагавор куплі-продажу амаль 2 млн акцый ААТ«Белгіпс» па рынкавым кошце, паведамілі рэдакцыі ў прэс-службе Дзяржаўнага камітэта па маёмасці Беларусі.
Гэты пакет акцый быў прададзены «расійскаму капіталу» па рынкавым кошце за 5,27 млн долараў. Згодна з умовамі дагавора, цяпер расійскі бок пачне рэалізацыю інвестыцыйнага праекта па мадэрнізацыі дзеючай вытворчасці акцыянернага таварыства«Белгіпс» і будаўніцтва завода па вытворчасці будаўнічых матэрыялаў у пасёлку Гатава.
Інвестыцыйны дагавор прадугледжвае сур'ёзныя льготы для новага ўласніка. Так, да пачатку ліпеня 2018 года тэхналагічнае абсталяванне, камплектуючыя і запасныя часткі да яго, сыравіна і матэрыялы,якія ўвозяцца Белгіпсам на тэрыторыю Беларусі з дня заключэння дагавора аб рэалізацыі інвестыцыйнага праекта для выключнага выкарыстання на тэрыторыі краіны, вызваляюцца ад абкладання ўвазнымі мытнымі пошлінамі і падаткам на дабаўленую вартасць. Акрамя таго, для гэтага таварыства прадугледжаны шэраг іншых ільгот па землекарыстанні, падаткаабкладанні і г.д.
Удакладню, што адпаведны інвестыцыйны дагавор быў заключаны ў Мінску, у адпаведнасці з Указам Прэзідэнта № 34 «Аб некаторых пытаннях адкрытага акцыянернага таварыства «Белгіпс» ад 16 студзеня 2014 года.
Сяргей КУРКАЧ.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
