Вядомы псіхатэрапеўт будзе весці прыём па тэлевізары
Абвяргаючы вядомую спажывецкую пазіцыю «Не вучыце мяне жыць, лепш дапамажыце матэрыяльна!», адзін з самых папулярных беларускіх псіхатэрапеўтаў Дзмітрый Сайкоў будзе вучыць суайчыннікаў, як спраўляцца з распаўсюджаным бытавымі праблемамі і штодзённымі жыццёвым бязладдзем. Новая праграма, якая стартуе ў гэту пятніцу на тэлеканале АНТ, так і называецца — «Вучыцца жыць».
«Дзмітрый Сайкоў узнімае пытанні, якія так ці інакш узнікаюць у жыцці кожнага чалавека, і разглядае сітуацыю з усіх бакоў, аналізуючы магчымыя варыянты развіцця падзей. Яго прафесійная ацэнка і парады дапамогуць кожнаму ахвотнаму навучыцца жыць і радавацца кожнаму дню», — адзначае прэс-служба тэлеканала. І хоць ідэя «псіхааналізу з экрана» далёка не новая, усё ж разуменне таго, што ў праекце заняты не акцёр, які іграе ўрача, а сапраўдны практыкуючы ўрач, кандыдат медыцынскіх навук, уладальнік сертыфікатаў па псіхатэрапіі, псіхіятрыі і наркалогіі ад міністэрстваў аховы здароўя Беларусі, Расіі і Украіны, аўтар 4 кніг і дзясяткаў навуковых публікацый, загадзя выклікае да яго рэкамендацый большы давер.
Дарэчы
Доктар Сайкоў — бадай, адзін з самых «медыйных» беларускіх медыкаў. Некалькі гадоў таму ён быў сувядучым ток-шоу «Такі лёс», удзельнічаў у тэлепраектах «Дзве зоркі» і «Бітва тытанаў» (айчынны аналаг экстрым-шоу «Вялікія гонкі»). Як многія памятаюць, вядомы псіхатэрапеўт спрабаваў сябе — і не без поспеху — у амплуа эстраднага выканаўцы. У 2010-м ён нават выпусціў сольны альбом у жанры душэўнага шансону, а сольныя і дуэтныя хіты Сайкова «Закадзірую», «Хачу ў Парыж», «Лістапад» перыядычна гучаць як на радыёхвалях, так і на канцэртных пляцоўках Беларусі.
Вікторыя ЦЕЛЯШУК.
Дзе: АНТ.
Калі: па пятніцах у 15.30.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
