Нацыянальны банк увёў у абарачэнне некалькі памятных манет — «Аркадзь Куляшоў. 100 гадоў» і «Павел Масленікаў. 100 гадоў», паведамляе ўпраўленне інфармацыі і грамадскіх сувязяў галоўнага банка краіны.
Першая з манет адчаканена ў двух варыянтах: сярэбраная — наміналам 10 рублёў, пробай сплаву 925, масай 16,81 г, дыяметрам 37 мм; і медна-нікелевая — наміналам 1 рубель, масай 15,50 г, дыяметрам 33 мм. Другая манета — сярэбраная, мае намінал 20 рублёў, пробу сплаву 925, масу 33,62 г, памер 28х 40 мм. Манеты «Аркадзь Куляшоў. 100 гадоў» адчаканены на Літоўскім манетным двары якасцю «пруф» (сярэбраная — 2000 штук) і «пруф-лайк» (медна-нікелевая — 4000 штук). Манета «Павел Масленікаў. 100 гадоў» адчаканена там жа якасцю «пруф» (3000 штук).
Уладзіслаў КУЛЕЦКІ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
