У Беларускі дзяржаўны цырк p з Ніжняга Ноўгарада прыехалі вельмі незвычайныя артысты — бегемоты Златый, Яна і Аіда, якія пакажуць дзеткам і дарослым свой адзіны ў свеце атракцыён пад кіраўніцтвам Людмілы і Тофіка Ахундавых «Гіпапатамус-шоу». І сапраўды, дзе такое можна пабачыць? Бегемоты выконваюць даволі складаныя для іх трукі. Жывёлам, з вагой каля тоны, складана, але магчыма бегаць рыссю, будаваць піраміды, скакаць адзін цераз аднаго і нават танцаваць! Як заўважылі дрэсіроўшчыкі, працаваць з гіпапатамамі вельмі няпроста: у іх характар наравісты. Але генеральную рэпетыцыю артысты выканалі «на біс». Яшчэ адзін сюрпрыз для беларускіх гледачоў ад Людмілы і Тофіка Ахундавых — нумар з дрэсіраванымі малпамі. Забаўныя макакі і павіяны выконваюць трукі з падкіднымі дошкамі, сальта-мартале і многае іншае. У цэлым новая цыркавая праграма, якую можна будзе пабачыць да 20 красавіка, змяшчае вялікую колькасць трукаў артыстаў розных цыркавых жанраў.
Фота Марыны БЕГУНКОВАЙ.
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.