Былы старшыня наглядальнага савета ААТ «Тэхнабанк» Уладзіслаў Кацарэнка прыгавораны ўчора да сямі гадоў пазбаўлення волі з адбываннем ва ўмовах узмоцненага рэжыму, паведаміў карэспандэнту БЕЛТА старшы памочнік пракурора Мінска па прававым забеспячэнні, інфармацыі і грамадскіх сувязях Сяргей Балашоў.
Як вынікае з крымінальнай справы, Уладзіслаў Кацарэнка, у тым ліку прадастаўляў прыватным кампаніям падробленыя дакументы і рэквізіты падкантрольных яму лжэпрадпрымальніцкіх структур — рэзідэнтаў іншых краін. Ён быў затрыманы 2 сакавіка 2012 года.
У верасні таго ж года Валерый Вакульчык, які ў той час узначальваў Следчы камітэт Беларусі, паведаміў у інтэрв'ю карэспандэнту БЕЛТА, што Кацарэнка падазраваўся ў стварэнні арганізаванай злачыннай групы і кіраванні ёю. Ён быў абвінавачаны па чатырох артыкулах: у крадзяжы шляхам злоўжывання службовым становішчам, незаконнай прадпрымальніцкай дзейнасці, ухіленні ад выплаты падаткаў і махлярстве. У пракуратуры Мінска адзначылі, што прыгавор вынесены менавіта па гэтых артыкулах, без змяненняў.
«Кацарэнка дапамагаў кіраўнікам прыватных кампаній ухіляцца ад выплаты падаткаў і збораў, прадастаўляючы ім падробленыя дакументы і рэквізіты падкантрольных яму лжэпрадпрымальніцкіх структур — рэзідэнтаў Расійскай Федэрацыі, краін Балтыі, Вялікабрытаніі. Таксама Кацарэнка абвінавачваецца як кіраўнік групы, якая займаецца незаконным абменам валюты», — заявіў Валерый Вакульчык, каменціруючы гэту справу.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».