Работніца Гродзенскага заапарка вырашыла пагладзіць ільва і засталася без рукі, паведаміў дырэктар дзяржаўнай установы культуры «Гродзенскі заалагічны парк» Алег Жданкін.
Інцыдэнт адбыўся ў суботу 8 лютага. Вопытная 37-гадовая супрацоўніца заапарка, работніца кармакухні, закончыўшы сваю рабочую змену, сабралася ісці дадому. Але па дарозе жанчына вырашыла пагладзіць ільва, пералезла праз агароджу секцыі «драпежныя жывёлы» і прасунула руку паміж жалезнымі прутамі вальера. У адказ леў напаў на жанчыну.
З вялікай укушанай ранай правага перадплечча жанчына была шпіталізавана. Ёй выканана ампутацыя на ўзроўні правага пляча. Паведамляецца, што яе стан цяпер здавальняючы.
«Пацярпелая працуе ў нашым заапарку 15 гадоў, але яе работа ніколі не была непасрэдна звязана з жывёламі. Яна повар на кармакухні. Мне цяжка сказаць, з якіх меркаванняў яна была такой неасцярожнай. Гэта адзінкавае і вельмі сумнае здарэнне для нас. Хачу нагадаць усім наведвальнікам нашага заапарка, што неабходна строга выконваць правілы бяспекі», — сказаў дырэктар. Па факце нападзення льва на чалавека праводзіцца праверка.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.