Не будаваць, а рэ­кан­стру­я­ваць…

Так вы­ка­заў­ся на­конт сё­лет­ніх пла­наў па раз­віц­ці да­рож­най сет­кі Бе­ла­ру­сі вы­ка­заў на­мес­нік на­чаль­ні­ка га­лоў­на­га ўпраў­лен­ня аў­та­ма­біль­ных да­рог Мі­ніс­тэр­ства транс­пар­ту і ка­му­ні­ка­цый Аляк­сандр Га­лаў­нёў пад­час прэс-кан­фе­рэн­цыі.

— Сён­ня сет­ка да­рог у Бе­ла­ру­сі сфар­мі­ра­ва­на, та­му бу­даў­ніц­тва но­вых, у прын­цы­пе, не па­тра­бу­ец­ца. Га­лоў­нае пы­тан­не ця­пер — гэ­та ма­дэр­ні­за­цыя ужо іс­ну­ю­чых транс­парт­ных шля­хоў, — пад­крэс­ліў Аляк­сандр Га­лаў­нёў.

Ся­род най­больш важ­ных пла­наў, якія ма­юць здзейс­ніц­ца ў 2014 го­дзе ў сфе­ры ма­дэр­ні­за­цыі да­рож­най сет­кі, — за­вяр­шэн­не пра­цы над паўд­нё­ва-ўсход­нім аб­хо­дам ля Аст­раў­ца, рэ­кан­струк­цыя мос­та праз ра­ку Му­ха­вец, а так­са­ма ра­монт участ­каў да­рог М‑5 Мінск — Го­мель, Р‑21 Ві­цебск — мя­жа Ра­сій­скай Фе­дэ­ра­цыі і М‑6 Мінск — Грод­на. Да­рэ­чы, на­конт апош­няй тра­сы Мі­ніс­тэр­ства транс­пар­ту і ка­му­ні­ка­цый да­мо­ві­ла­ся з Су­свет­ным бан­кам аб да­лей­шым су­пра­цоў­ніц­тве ў га­лі­не да­рож­на­га бу­даў­ніц­тва. Пла­ну­ец­ца, што для рэ­кан­струк­цыі да­ро­гі М‑6 Мінск — Грод­на бу­дзе вы­дзе­ле­ны крэ­дыт на 200 міль­ё­наў до­ла­раў. Для гэ­та­га бе­ла­рус­кі бок па­ві­нен за­бяс­пе­чыць рас­пра­цоў­ку пра­ект­на-каш­та­рыс­най да­ку­мен­та­цыі да кан­ца пер­ша­га паў­год­дзя 2014 го­да.

Да та­го ж ве­ра­год­на, што срод­кі на ма­дэр­ні­за­цыю не­ка­то­рых бе­ла­рус­кіх транс­парт­ных шля­хоў вы­дат­ку­юць і ін­шыя за­меж­ныя ар­га­ні­за­цыі. Так, па сло­вах Аляк­санд­ра Га­лаў­нё­ва, маг­чы­мас­цю пры­няц­ця ў кан­цэ­сію на­шых да­рог ужо ці­ка­ві­лі­ся іс­пан­ская, поль­ская і фран­цуз­ская кам­па­ніі. Пас­ля вы­зна­чэн­ня аб'­ек­таў, якія Бе­ла­русь па­го­дзіц­ца пе­ра­даць, бу­дуць пра­ве­дзе­ны тэн­дар­ныя тар­гі. Кам­па­нія-пе­ра­мож­ца па­він­на бу­дзе за свае ці пры­цяг­ну­тыя срод­кі рэ­кан­стру­я­ваць да­ро­гу і на пра­ця­гу 20 га­доў яе аб­слу­гоў­ваць, збі­ра­ю­чы пры гэ­тым пла­ту за пра­езд. У той жа час на­мес­нік на­чаль­ні­ка га­лоў­на­га ўпраў­лен­ня аў­та­ма­біль­ных да­рог за­пэў­ніў, што пра­цяг­ласць плат­ных да­рог бу­дзе аб­ме­жа­ва­на 2–2,2 ты­ся­чы кі­ла­мет­раў (уся­го ў кра­і­не 16 ты­сяч кі­ла­мет­раў рэс­пуб­лі­кан­скіх да­рог).

Ад­каз­ва­ю­чы на пы­тан­не аб бу­даў­ніц­тве дру­гой чар­гі Мін­скай каль­ца­вой аў­та­да­ро­гі, Аляк­сандр Га­лаў­нёў па­ве­да­міў, што сё­ле­та вы­дат­коў­ваць на гэ­та срод­кі не пла­ну­ец­ца.

— На­ват ка­лі браць у раз­лік срод­кі, якія кра­і­на атры­мае дзя­ку­ю­чы ўве­дзе­на­му ня­даў­на транс­парт­на­му збо­ру, яны бу­дуць дзя­ліц­ца ў роў­ных пра­пор­цы­ях на ўсе да­ро­гі кра­і­ны, — ад­зна­чыў ён. — Ве­ра­год­ная су­ма збо­ру — 1,5 трыль­ё­на руб­лёў, та­му тых 700 міль­яр­даў руб­лёў, якія маг­лі б быць вы­дзе­ле­ны на дру­гую каль­ца­вую аў­та­да­ро­гу, — гэ­та не­да­стат­ко­вая су­ма для па­чат­ку сур'­ёз­на­га бу­даў­ніц­тва аб'­ек­та.

Так­са­ма Аляк­сандр Га­лаў­нёў за­кра­нуў праб­ле­му спрэч­ных мо­ман­таў, якія да­ты­чац­ца пра­цы сіс­тэ­мы BelToll. На­прык­лад, бы­лі вы­пад­кі, ка­лі транс­парт са­цы­яль­ных уста­ноў ці да­рож­ных служ­баў не мог пра­ехаць па да­ро­зе бяс­плат­на.

— Пер­шыя ме­ся­цы ра­бо­ты сіс­тэ­мы са­праў­ды вы­яві­лі не­ка­то­рыя не­дас­ка­на­лас­ці ў ёй. Та­му ў хут­кім ча­се бу­дуць уне­се­ны пэў­ныя зме­ны, якія да­ты­чац­ца па­рад­ку функ­цы­я­на­ван­ня BelToll. Ду­маю, што са­цы­яль­ныя пы­тан­ні бу­дуць у гэ­тых зме­нах улі­ча­ны і ад­люст­ра­ва­ны, — па­ве­да­міў Аляк­сандр Га­лаў­нёў.

Тым жа, хто па­мыл­ко­ва атры­маў штра­фы ад BelToll у жніў­ні-ве­рас­ні, да­вя­дзец­ца ча­каць вы­ра­шэн­ня пы­тан­ня як мі­ні­мум ме­сяц. Па сло­вах на­мес­ні­ка на­чаль­ні­ка га­лоў­на­га ўпраў­лен­ня аў­та­ма­біль­ных да­рог Мінт­ран­са, гэ­ты тэр­мін спат­рэ­біц­ца для пры­няц­ця ра­шэн­ня на ўзроў­ні нар­ма­тыў­на­га пра­ва­во­га ак­та. Пра­ект да­ку­мен­та ўжо пад­рых­та­ва­ны, але ў ім ёсць шмат скла­да­нас­цяў, якія яшчэ не­аб­ход­на ўрэ­гу­ля­ваць.

Ган­на ГА­РУС­ТО­ВІЧ.