Аператыўнікі Заводскага РУУС сталіцы разам з супрацоўнікамі раённага цэнтра гігіены і эпідэміялогіі канфіскавалі са сталічных крам партыю печані траскі ў колькасці звыш дзвюх тысяч бляшанак на агульную суму больш за 55 мільёнаў рублёў.
На дзіўныя смакавыя якасці кансерваў звярнуў увагу адзін з пакупнікоў, які набыў у краме сталічнай сеткі бляшанку печані траскі да свайго стала, паведамілі ва УБЭЗ ГУУС Мінгарвыканкама. Вынікі экспертызы паказалі, што прадукт не адпавядае заяўленай якасці, хаця тэрміны рэалізацыі, пазначаныя на бляшанцы, не былі парушаны. Што прывяло да гэтага — парушэнне тэхналогіі вытворчасці ці яшчэ нешта — высвятляецца, але, як адзначылі спецыялісты, якасць тавару выклікала сур'ёзную асцярогу. На рэалізатараў і пастаўшчыкоў вышэйзгаданай прадукцыі складзены адміністрацыйныя пратаколы за парушэнне санітарных нормаў, правілаў і гігіенічных нарматываў. Для юрыдычных асоб санкцыя па гэтым артыкуле прадугледжвае штраф да 200 базавых велічынь.
Сяргей РАСОЛЬКА.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!