Невялічкі храм у гонар Святых царскіх пакутнікаў і ўсіх новапакутнікаў і спаведнікаў ХХ стагоддзя, у якім адбылося ўрачыстае набажэнства, нават не змог змясціць усіх ахвотных. Але людзі мелі магчымасць пачуць яго праз дынамікі, якія былі ўсталяваны звонку храма. Падчас асвячэння царквы мітрапаліт Мінскі і Слуцкі Павел, Патрыяршы Экзарх усяе Беларусі, уручыў узнагароды Рускай праваслаўнай царквы ўсім, хто ўнёс уклад у яе будаўніцтва. Сярод іх — мэр Магілёва Уладзімір Цумараў.
— Тыя людзі, якія сёння будуюць храмы і ахвяруюць на іх, садзейнічаюць адраджэнню духоўнасці, — адзначыў мітрапаліт. — Сёння няма ганенняў на царкву, але мы перажываем новую спакусу — спакусу свабодай. Людзі спакушаюцца свабодай, матэрыяльнымі выгодамі, уладай. Гэта ўсё ад бездухоўнасці. Калі баліць цела, мы ідзем да ўрачоў, а калі душа — трэба ісці ў храм.
Магілёў — гэта першы горад, які мітрапаліт Павел наведвае за межамі сваёй епархіі. Ён адзначыў, што пачынаць сваё служэнне як Экзарха з асвячэння менавіта гэтага храма, які нават сваёй назвай сімвалізуе адраджэнне, — для яго вельмі добры знак.
— Тое, што адбылося ў ХХ стагоддзі, тыя ганенні на царкву — гэта гісторыя, — падкрэсліў ён. — Людзі аддаліліся ад Боскай ласкі, і лёс іх пакараў. Але ўсё мяняецца. Я неаднаразова казаў, што і з канфесіямі, і з бізнесам, і з простымі людзьмі буду супрацоўнічаць у кірунку стварэння. Часам людзі пытаюцца, ці ёсць у мяне ворагі. Я адказваю: іх не было і няма. Нават тыя, хто са мной спрабаваў варагаваць, — не ворагі мае, а дабрадзеі. Яны настройвалі мяне на малітву, вучылі не драмаць, а дзейнічаць дзеля Славы Госпада.
Нэлі ЗІГУЛЯ.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.