Гонкі на сабачых запрэжках досыць экзатычныя для нашага рэгіёна. Аднак у Беларусі гэты відовішчны від спорту заваёўвае ўсё большую папулярнасць. Паказчык гэтага — чацвёртыя міжнародныя спаборніцтвы па ездавым спорце «Завіруха 2014», якія прайшлі на сталічнай лыжаролернай трасе ў Вяснянцы.
Паказаць сваё майстэрства прыехала каля 60 спартсменаў з Беларусі, Літвы, Латвіі, Эстоніі і Расіі. Нягледзячы на не зусім прыемнае для спаборніцтваў надвор'е і «жорсткі» снег, усе спартсмены трымаліся дастойна.
Цікава, што на «Завіруху» прыходзілі цэлымі сем'ямі разам са сваімі хатнімі любімцамі. Арганізатары таксама правялі конкурсы на самага прыгожага, самага моцнага і самага пявучага сабаку. З мерапрыемства гледачы вярталіся толькі ў выдатным настроі. Любы ахвотны мог пагладзіць, абняць касматых чатырохногіх сяброў, сфатаграфавацца з імі.
Надзея Бужан. Фота аўтара.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».