Смак «жывой» і «мёртвай» вады

У Ві­цеб­скім аб­лас­ным клі­ніч­ным скур­на-ве­не­ралагіч­ным дыс­пан­се­ры ў той дзень я... па­ве­рыў у каз­кі. У доб­рым сэн­се сло­ва па­ве­рыў. Пра тое, што ў гэ­тай ме­ды­цын­скай уста­но­ве ўжо даў­но і ак­тыў­на вы­ка­рыс­тоў­ва­юць для ля­чэн­ня ў тым лі­ку і эк­за­тыч­ныя ме­та­ды, пі­саў не­ад­на­ра­зо­ва. Да­рэ­чы, ма­лень­кі ка­лек­тыў дыс­пан­се­ра толь­кі ле­тась за­ра­біў на ака­зан­ні плат­ных па­слуг больш як 6 міль­яр­даў руб­лёў. Гэ­та вель­мі шмат, ка­лі па­раў­наць з па­каз­чы­ка­мі ана­ла­гіч­най дзей­нас­ці мно­гіх ме­ды­цын­скіх уста­ноў. На атры­ма­ныя гро­шы куп­ля­ец­ца са­мае пе­ра­да­вое аб­ста­ля­ван­не, што да­зва­ляе зра­біць ды­яг­нос­ты­ку і ля­чэн­не яшчэ больш эфек­тыў­ны­мі.

Вы­пра­ба­валь­ні­кі і пер­ша­пра­ход­цы

Што да «не­тра­ды­цый­ных» ме­та­даў ля­чэн­ня, на­га­даю: п'яў­кі, пчо­лы, ка­мя­ні і ін­шае ў дыс­пан­се­ры вы­ка­рыс­тоў­ва­юц­ца, каб ля­чыць са­мыя роз­ныя за­хвор­ван­ні, а так­са­ма для пра­фі­лак­ты­кі.

Вік­тар Спі­ры­до­наў, га­лоў­ны ўрач дыс­пан­се­ра, ба­дай, са­мы крэ­а­тыў­ны ме­дык у Ві­цеб­скай воб­лас­ці, пер­ша­пра­хо­дзец ва ўка­ра­нен­ні са­мых пе­ра­да­вых ме­то­дык. Вя­до­ма, ме­ды­кі, які­мі ён кі­руе, па-ра­ней­ша­му, і вель­мі па­спя­хо­ва, ле­чаць па­цы­ен­таў су­час­ны­мі ме­та­да­мі. Пры гэ­тым тут ёсць тое, ча­го больш ня­ма ні­дзе або яно з'я­ві­ла­ся тут упер­шы­ню.

«Звяз­да» па­ве­дам­ля­ла ўжо пра тое, што ця­пер у дыс­пан­се­ры мож­на прай­сці курс ля­чэн­ня «жы­вой» і «мёрт­вай» ва­дой. Вад­касць трэ­ба піць, а пры не­ка­то­рых за­хвор­ван­нях — на­но­сіць на ску­ру.

— Вы ж па­мя­та­е­це, што ў каз­ках апі­са­на ка­рыс­ная «мёрт­вая» і «жы­вая» ва­да, якой лі­та­раль­на ажыў­ля­лі, якая пры­да­ва­ла сіл. Без­умоў­на, на­са­мрэч та­кія во­ды мо­гуць ля­чыць — на жаль, не ўсё, але мно­гае. Мы вы­ка­рыс­тоў­ва­ем «жы­вую» і «мёрт­вую» ва­ду для ля­чэн­ня ка­ля 50 ві­даў за­хвор­ван­няў. У пры­ват­нас­ці, пса­ры­я­зу, эк­зэ­мы, лі­шаю, грыб­ко­вых за­хвор­ван­няў, алер­гіі і гэ­так да­лей, — рас­каз­вае Га­лі­на Сяр­жа­на­ва, за­гад­чы­ца ад­дзя­лен­ня ме­ды­цын­скай рэ­абі­лі­та­цыі Ві­цеб­ска­га аб­лас­но­га клі­ніч­на­га скур­на-ве­не­ралагіч­на­га дыс­пан­се­ра.

Для кож­най хва­ро­бы — свой курс ля­чэн­ня пра­цяг­лас­цю ў ся­рэд­нім 10 дзён. 200-гра­мо­вая шклян­ка спе­цы­яль­на апра­ца­ва­най ва­ды каш­туе ўся­го 1,6 ты­ся­чы руб­лёў. Па­вод­ле слоў док­та­ра, у ця­пе­раш­нія «гры­поз­ныя» дні вель­мі ка­рыс­на піць цу­да-ва­ду для пра­фі­лак­ты­кі. Каб атры­маць яе, зу­сім не трэ­ба што­дня ха­дзіць у дыс­пан­сер, а мож­на за­браць ад­ра­зу столь­кі ва­ды, коль­кі трэ­ба.

Па­куль га­ва­ры­лі з за­гад­чы­цай, па ва­ду прый­шоў муж­чы­на з хра­ніч­ным за­хвор­ван­нем ску­ры. Пры­знаў­ся мне, што ва­да на­са­м-
рэч ро­біць цу­ды лі­та­раль­на за не­каль­кі дзён, і па­ра­іў мне так­са­ма ёю ля­чыц­ца.

— «Жы­вая» ва­да (шчо­лач­ная) — вы­дат­ны сты­му­ля­тар, та­ні­за­тар, кры­ні­ца энер­гіі. Яна пры­во­дзіць у рух увесь ар­га­нізм, на­дае ба­дзё­рас­ці, сты­му­люе рэ­ге­не­ра­цыю кле­так, мяк­ка па­вы­шае кры­вя­ны ціск, па­ляп­шае аб­мен рэ­чы­ваў. Яна за­гой­вае ра­ны, яз­вы, у тым лі­ку страў­ні­ка, про­леж­ні, апё­кі. Да­па­ма­гае пры ля­чэн­ні адэ­но­мы пра­ста­ты, пры ля­чэн­ні і пра­фі­лак­ты­цы атэ­раск­ле­ро­зу, астэ­а­ханд­ро­зу. «Мёрт­вая» ва­да (кіс­лот­ная) — вы­дат­ны бак­тэ­ры­цыд, дэз­ын­фек­тар. Ужы­ва­ец­ца пры пра­фі­лак­ты­цы і ля­чэн­ні пра­студ­ных за­хвор­ван­няў, гры­пу, ан­гі­ны. Яна зні­жае кры­вя­ны ціск, су­па­кой­вае нер­во­вую сіс­тэ­му, па­ляп­шае сон. Да­па­ма­гае пры ля­чэн­ні па­ра­дан­то­зу, спы­няе кры­ва­цёк дзяс­наў, рас­тва­рае ка­мя­ні на зу­бах, — рас­каз­вае ме­дык.

Што ці­ка­ва, «жы­вая» ва­да мо­жа зра­біць цуд і ў ага­ро­дзе, са­дзе. Яна па­ска­рае пра­рас­тан­не збож­жа і на­сен­ня для па­сад­кі, сты­му­люе кра­са­ван­не кве­так, ажыў­ляе зя­ле­ні­ва і за­вя­лыя квет­кі... І па­ляп­шае смак вы­печ­кі — пры за­меш­ван­ні цес­та на «жы­вой» ва­дзе. А яшчэ ва­да па­ляп­шае якасць сі­ро­пу для карм­лен­ня пчол (пчо­лы ста­но­вяц­ца больш энер­гіч­ны­мі), сты­му­люе рост і ўстой­лі­васць да хва­роб свой­скіх пту­шак і жы­вёл. Па­лі­ван­не гра­дак «жы­вой» ва­дой сты­му­люе па­спя­ван­не ўра­джаю.

Піў бы і піў!..

Ка­лі мы з док­та­рам прый­шлі ў па­мяш­кан­не, дзе ле­чаць ва­дой, ад­ра­зу пры­ем­на здзі­віў еў­ра­пей­скі «лоск» па­ко­яў. Лю­боў Чар­ных, ме­ды­цын­ская сяст­ра дыс­пан­се­ра, па ма­ёй прось­бе пры­га­та­ва­ла цу­да-ва­ду.

— Вось ён — бы­та­вы ак­ты­ва­тар ва­ды. Ён — не скла­да­ны ў ка­ры­стан­ні, кам­пакт­ны. У ім вель­мі хут­ка мож­на атры­маць ка­ля 1,4 літ­ра ак­ты­ва­ва­най («жы­вой» і «мёрт­вай») ва­ды. Для гэ­та­га да­стат­ко­ва за­поў­ніць по­суд ва­дой, уклю­чыць віл­ку ў ра­зет­ку і праз 20-30 хв. зліць ужо ак­ты­ва­ва­ную ва­ду ў роз­ныя па­су­дзі­ны. Пры­бор пры гэ­тым элект­рыч­нас­ці спа­жы­вае, як 40-ват­ная лям­пач­ка, — дзе­ліц­ца «сак­рэ­та­мі» ме­ды­цын­скі ра­бот­нік.

Па­час­та­ва­ла ва­дой. Пер­шай я за­ха­цеў вы­піць «мёрт­вай». Шчы­ра пры­зна­ю­ся, што пе­рад гэ­тым у мя­не быў та­кі вы­гляд (пра гэ­та мне ска­за­лі спа­да­ры­ні ў бе­лых ха­ла­тах. — Аўт.), быц­цам ней­кую атру­ту пра­па­на­ва­лі. Вы­піў. На смак кіс­лая ва­да, не вель­мі смач­ная. А «жы­вая» — на­ад­ва­рот: піў бы і піў.

— Ды не бой­це­ся вы! Гэ­тая ва­да цал­кам бяс­печ­ная як для ўнут­ра­на­га, так і вон­ка­ва­га ўжы­ван­ня. Гэ­та яшчэ ў 1988 го­дзе па­цвер­дзіў фар­ма­ка­ла­гіч­ны ка­мі­тэт СССР. Су­мес­нае пры­мя­нен­не «жы­вой» і «мёрт­вай» ва­ды да­па­ма­гае зма­гац­ца з та­кі­мі хва­ро­ба­мі, як алер­гія, ге­па­тыт, пса­ры­яз, жа­но­чы­мі за­хвор­ван­ня­мі, — рас­каз­вае ме­ды­цын­ская сяст­ра.

Пры­бор, да­рэ­чы, вы­раб­ля­ец­ца ў Бе­ла­ру­сі. Па­шу­каў у ін­тэр­нэ­це ад­па­вед­ную ін­фар­ма­цыю. На­быць мож­на, у за­леж­нас­ці, ад ма­ды­фі­ка­цыі па ца­не ўся­го 850 і 950 ты­сяч руб­лёў — у наш час гэ­та ня­шмат.

Жур­на­ліс­та «з'е­лі» ры­бы

Як у той пра­гра­ме «По­ле цу­даў»: «ка­рыс­та­ю­чы­ся вы­пад­кам, я ха­чу...» Па­пра­сіў ме­ды­каў, каб па­ля­чы­лі мя­не і ры­ба­мі. Тым больш што аква­ры­ум літ­раў на 100 лі­та­раль­на ў су­сед­нім па­коі.

І вось яны, «за­ла­тыя» (у сэн­се ка­рыс­ныя для зда­роўя. — Аўт.) рыб­кі:

Garra rufa — з ся­мей­ства кар­па­вых. Жы­вуць на Ся­рэд­нім Ус­хо­дзе — Тур­цыі, Сі­рыі, Іра­ку і Іра­не. На не­ка­то­рых ку­рор­тах з ад­кры­ты­мі тэр­ма­льны­мі кры­ні­ца­мі ў Тур­цыі гэ­тых ры­бак вы­ка­рыс­тоў­ва­юць для сімп­та­ма­тыч­на­га ля­чэн­ня пса­ры­я­зу. Ры­бы аб'­яда­юць ску­ру на праб­лем­ных участ­ках, не ча­па­ю­чы зда­ро­вых. Пас­ля та­ко­га ля­чэн­ня на­зі­ра­ец­ца па­ляп­шэн­не ста­ну хво­рых на паў­го­да і больш.

Пе­рад тым як апус­ціць ру­ку ў аква­ры­ум, ме­ды­кі па­пра­сі­лі, каб я па­мыў ру­кі. Ак­са­на Па­лу­біс, сіс­тэм­ны ад­мі­ніст­ра­тар дыс­пан­се­ра, уба­чыў­шы, што я тро­хі хва­лю­ю­ся пе­рад се­ан­сам ля­чэн­ня ры­ба­мі, па­жар­та­ва­ла: «Вось, ба­чы­це, чыр­во­ны ко­лер на дне аква­ры­у­ма? Гэ­та кроў па­цы­ен­таў, якіх ры­бы ку­са­лі!» «Спу­жаў­ся» яшчэ больш. А ў ва­дзе ру­цэ ад­ра­зу ста­ла вель­мі пры­ем­на. Мност­ва ры­бак лі­та­раль­на на­кі­ну­лі­ся на маю ру­ку. І на­са­мрэч хут­ка ра­за­бра­лі­ся з тым, што ім трэ­ба ра­біць: па­ча­лі ес­ці пра­цоў­ныя ма­за­лі!

Пры гэ­тым ні­я­ка­га бо­лю не ад­чу­ваў, а на­ад­ва­рот. Ча­мусь­ці та­ды ўспом­ніў сло­вы ге­роя мульт­філь­ма аб Пра­стак­ва­шы­не. Па­мя­та­е­це, ка­лі та­та хва­ліў ка­та, ка­заў, што яму б та­ко­га ра­зум­на­га, то ні­ко­лі б мо і не ажа­ніў­ся. Мне б та­кіх рыб! Па-за «хар­ча­ван­нем людзь­мі» рыб кор­мяць звы­чай­ным кор­мам, які пра­да­ец­ца ў кож­най спе­цы­я­лі­за­ва­най кра­ме.

Ры­бы мя­не «на­тхні­лі» і за­ра­дзі­лі вель­мі доб­рай энер­гі­яй. По­тым па­раў­наў стан ру­кі, якая бы­ла ў аква­ры­у­ме, з дру­гой. На апра­ца­ва­най ры­ба­мі ску­ра ста­ла глад­кая, як у дзі­ця­ці, на­ват ко­лер змя­ніў­ся. Кошт 30 хві­лін ля­чэн­ня ры­ба­мі каш­туе ў дыс­пан­се­ры ме­ней за 70 ты­сяч руб­лёў.

Раю і вам больш пры­ем­ных ме­ды­цын­скіх вы­пра­ба­ван­няў! І, па­га­дзі­це­ся, быў бы доб­рым сюр­пры­зам для жан­чын па­да­ру­нак у вы­гля­дзе азда­раў­лен­ня ты­мі ж рыб­ка­мі.

Аляк­сандр ПУК­ШАН­СКІ