5 фільмаў для сямейнага прагляду:

Аляк­санд­ра МА­КОЎ­СКАЯ, цы­руль­нік-ві­за­жыст:

1. На­пя­рэ­дад­ні жа­но­ча­га свя­та я, пэў­на, уз­га­даю і ўсім па­раю па­гля­дзець най­перш філь­мы пра ма­туль. І пер­шым бу­дзе мой са­мы лю­бі­мы — «Пі­тэр Пэн», са­вец­кі, 1987 го­да. Гіс­то­рыя пра тое, што ў лю­бым уз­рос­це дзе­ці за­ста­юц­ца лю­бі­мы­мі ма­лы­мі для сва­іх баць­коў, і што на­ват да­рос­лым ча­сам так не ха­пае ма­мі­най цеп­лы­ні і аб­дым­каў. А якія там цу­доў­ныя пес­ні, па­мя­та­е­це? Пе­ра­гледзь­це аба­вяз­ко­ва!

2. «Ма­ча­ха»

з Тац­ця­най Да­ро­ні­най. Стуж­ка для ўсіх, ка­му зда­ец­ца, быц­цам гэ­та прос­та — па­лю­біць чу­жое дзі­ця і пры­няць яго, як сваё. Зрэш­ты, на гэ­ту тэ­му іс­нуе не менш пра­ніз­лі­вы ад­най­мен­ны фільм з Джу­лі­яй Ро­бертс, толь­кі там ге­ра­і­ні да­вя­ло­ся шу­каць шля­хі да сэр­ца не толь­кі дзя­цей ка­ха­на­га муж­чы­ны, але і яго не­вы­леч­на хво­рай бы­лой жон­кі... Гэ­та больш, чым кі­на­дра­ма, мне зда­ец­ца, гэ­та апо­вед пра вяр­шы­ні жа­но­чай са­ма­ах­вяр­нас­ці і мат­чы­най лю­бо­ві.

3. Фільм «Ма­ма» па­вод­ле каз­кі «Воўк і ся­мё­ра каз­ля­нят», з Люд­мі­лай Гур­чан­кай у ро­лі Ка­зы і Мі­ха­і­лам Ба­яр­скім у воб­ра­зе Ваў­ка. Вы­дат­ны, пры­го­жа кас­цю­ма­ва­ны мю­зікл і, на мой по­гляд, ні­коль­кі не са­ста­рэ­лы.

4. «Ад­ной­чы праз 20 га­доў» з На­тал­ляй Гун­да­ра­вай. Ніз­ка схі­ля­ю­ся пе­рад та­кі­мі жан­чы­на­мі, здоль­ны­мі не тое што на­ра­дзіць, але і год­на вы­ха­ваць 11 дзя­цей. Аса­біс­та я не заўж­ды ве­даю, як з два­і­мі спра­віц­ца. А па­гля­дзіш па­доб­ныя філь­мы, па­чы­та­еш гіс­то­рыі шчас­лі­вых, па­спя­хо­вых шмат­дзет­ных ма­ці — і ве­рыш, што ў ця­бе так­са­ма ўсё атры­ма­ец­ца.

5. Мульт­фільм «Воўк і ця­ля». Ён, праў­да, не зу­сім пра ма­му, але за­тое пра сі­лу баць­коў­скай лю­бо­ві. Мы з сям'­ёй ра­за­бра­лі яго на цы­та­ты.