Маленькі прыз — за «залаты» сезон

У тыд­нё­вым спар­тыў­ным агля­дзе «Звяз­да» рас­па­вя­дае пра фі­ніш бія­тлон­на­га се­зо­на, жорст­кую ба­раць­бу «зуб­раў» у Куб­ку над­зеі і пер­шыя сен­са­цыі ў Куб­ку Бе­ла­ру­сі па фут­бо­ле.

1. Бія­тлон­ны се­зон скон­чыў­ся не­ча­ка­ным под­ыу­мам у гон­цы з ма­са­вым стар­там, дру­гім у кар'­е­ры Вя­лі­кім хрус­таль­ным гло­бу­сам Кай­сы Мя­кя­рай­нен і тра­фе­ем прэ­сты­жу Да­р'і До­мра­ча­вай. На апош­нім эта­пе Куб­ка све­ту ў нар­веж­скім Хал­мен­ко­ле­не лі­дар на­шай збор­най толь­кі ад­ной­чы ўз­ні­ма­ла­ся на п'е­дэс­тал — «за­ла­тым» стаў не­па­кор­лі­вы спрынт. А вось у па­сью­це До­мра­ча­ву пад­вя­ла страль­ба: шэсць про­ма­хаў на дзвюх «стой­ках» не да­зво­лі­лі Да­р'і прэ­тэн­да­ваць на мес­ца ў трой­цы леп­шых. Па­доб­ны сцэ­нар раз­гар­нуў­ся і ў за­вяр­шаль­най гон­цы се­зо­на: як і ў па­сью­це, на апош­нюю страль­бу бе­ла­рус­кая бія­тла­ніст­ка прый­шла лі­да­рам, ад­нак з-за про­ма­ху і ліш­ніх у су­куп­нас­ці 450 мет­раў дыс­тан­цыі До­мра­ча­ва не змаг­ла па­спа­бор­ні­чаць за «ме­даль» з больш «све­жы­мі» са­пер­ні­ца­мі. Як вы­нік — крыўд­нае 4-е мес­ца на фі­ні­шы. Тым не менш, вы­сту­піў­шы ў мас-стар­це лепш, чым Ту­ра Бер­гер і Кай­са Мя­кя­рай­нен, Да­р'я за­ва­я­ва­ла Ма­лы хрус­таль­ны гло­бус у гэ­тай дыс­цып­лі­не. А га­лоў­ны тра­фей се­зо­на да­стаў­ся Кай­се Мя­кя­рай­нен. У жорст­кай ба­раць­бе фін­ская спарт­смен­ка на ча­ты­ры ач­кі апя­рэ­дзі­ла Ту­ру Бер­гер, для якой гэ­тая гон­ка ста­ла апош­няй у кар'­е­ры. У агуль­ным за­лі­ку Куб­ка све­ту Да­р'я До­мра­ча­ва фі­ні­ша­ва­ла на трэ­цім мес­цы. Між ін­шым, трох­ра­зо­вай алім­пій­скай чэм­пі­ён­цы ўру­чы­лі ме­даль Хал­мен­ко­ле­на — гэ­та най­вы­шэй­шы знак пры­знан­ня спар­тыў­ных да­сяг­нен­няў у лыж­ным спор­це Нар­ве­гіі!

2. Мін­скае «Ды­на­ма» пра­цяг­вае вы­ступ­лен­ні ў Куб­ку над­зеі.

У пер­шым паў­фі­наль­ным мат­чы «зуб­ры» са­сту­пі­лі ча­ра­па­вец­кай «Поў­на­чста­лі» 2:5. Ад­зна­чым, што ў апош­нім пе­ры­я­дзе мін­ча­не пра­пус­ці­лі тры шай­бы. А вось у на­ступ­ным мат­чы се­рыі па­да­печ­ныя Лю­ба­мі­ра По­ка­ві­ча гу­ля­лі да пе­ра­мо­гі. Лёс су­стрэ­чы вы­ра­шаў­ся ў авер­тай­ме, дзе дру­гая шай­ба Сяр­гея Драз­да па­ста­ві­ла тлус­тую кроп­ку. Пас­ля мат­ча га­лоў­ны трэ­нер «Ды­на­ма» Лю­ба­мір По­ка­віч пад­вёў вы­ні­кі па­ядын­ку: «Цяж­кая гуль­ня — для абедз­вюх ка­ман­даў. Для нас яшчэ больш цяж­кая, та­му што мы стра­ці­лі двух гуль­цоў — Аляк­санд­ра Кі­та­ра­ва і Кан­стан­ці­на За­ха­ра­ва. У авер­тай­ме са­пер­нік дзей­ні­чаў вель­мі доб­ра. Але мы вы­тры­ма­лі гэ­ты на­ціск і пра­вя­лі не­каль­кі хут­кіх контр­атак, і апош­няя за­вяр­шы­ла­ся пры­го­жым го­лам». На­ступ­ны матч «зуб­ры» пра­вя­дуць на «Мінск-Арэ­не» 26 са­ка­ві­ка.

3. Чвэрць­фі­наль­ныя мат­чы Куб­ка Бе­ла­ру­сі па фут­бо­ле пры­нес­лі не­каль­кі не­ча­ка­ных вы­ні­каў. На хат­нім ста­ды­ё­не гро­дзен­скі «Нё­ман» пе­рай­граў БА­ТЭ — 2:1. Вы­ра­шаль­ны гол у да­дат­ко­вы час за­біў Ігар Та­ра­саў. З та­кім жа лі­кам ма­гі­лёў­скі «Дняп­ро» абы­граў яшчэ ад­на­го фа­ва­ры­та — «Го­мель». Дуб­лем вы­лу­чыў­ся Аляк­сандр Са­за­нкоў. У дзвюх дру­гіх су­стрэ­чах абы­шло­ся без сюр­пры­заў: «Шах­цёр» і «Мінск» з ад­ноль­ка­вым лі­кам 3:1 абы­гра­лі «Бел­шы­ну» і «Га­ра­дзею» ад­па­вед­на. У паў­фі­на­лах, якія ад­бу­дуц­ца 15 кра­са­ві­ка, «гар­ня­кі» пра­эк­за­ме­ну­юць «Дняп­ро», а «га­ра­джа­не» на хат­нім ста­ды­ё­не згу­ля­юць су­праць «Нё­ма­на».

4. Ме­лі­ці­на Ста­ню­та ча­ты­ры ра­зы ўзні­ма­ла­ся на под­ыум на эта­пе Куб­ка све­ту ў Штут­гар­це. У прак­ты­ка­ван­нях з аб­ру­чом, бу­ла­ва­мі і стуж­кай бе­ла­рус­кая гім­наст­ка бы­ла трэ­цяй. А вы­ступ­лен­не з мя­чом пры­нес­ла Ме­лі­ціне се­раб­ро. У шмат­бор'і на­ша гра­цыя па­ка­за­ла чац­вёр­ты вы­нік, са­сту­піў­шы толь­кі ра­сі­ян­кам — Яне Куд­раў­ца­вай, Мар­га­ры­це Ма­мун і Ма­рыі Ці­то­вай. У гру­па­вых прак­ты­ка­ван­нях бе­ла­рус­кія гім­наст­кі ўдзел не пры­ма­лі.

Да­ры­на ЗА­ПОЛЬ­СКАЯ