БЕЛ­КАРТ вы­хо­дзіць за ме­жы кра­і­ны

Мно­гія ўла­даль­ні­кі карт­кі «Бел­Карт», ка­лі вы­яз­джа­лі за мя­жу, аба­вяз­ко­ва су­ты­ка­лі­ся з тым, што для без­на­яў­ных раз­лі­каў «за кар­до­нам» трэ­ба бы­ло за­во­дзіць асоб­ную карт­ку, якая пра­ца­ва­ла б у між­на­род­най пла­цеж­най сіс­тэ­ме. Та­му ру­бам паў­ста­ла пы­тан­не аб тым, каб ства­рыць ка­бэй­джын­га­вую бан­каў­скую карт­ку. Ад­мет­насць яе ў тым, што яна мо­жа пра­ца­ваць ад­на­ча­со­ва ў дзвюх пла­цеж­ных сіс­тэ­мах — як на­цы­я­наль­най, так і між­на­род­най.

— Мы пер­шы­мі ў кра­і­не пра­па­ноў­ва­ем ці­ка­вы пра­дукт — ка­бэй­джын­га­вую карт­ку «БЕЛ­КАРТ-Maestro», — га­во­рыць на­мес­нік стар­шы­ні праў­лен­ня Бе­ла­рус­бан­ка Тац­ця­на Мі­хай­лоў­ская.

— Знеш­не яна ад­роз­ні­ва­ец­ца тым, што на ёй зна­хо­дзяц­ца ла­га­ты­пы гэ­тых дзвюх сіс­тэм. Але ку­ды боль­шыя ад­роз­нен­ні функ­цы­я­наль­ныя. Да­гэ­туль жа сіс­тэ­ма «БЕЛ­КАРТ» пра­ца­ва­ла толь­кі ўнут­ры кра­і­ны. Гэ­та хут­ка ста­не гіс­то­ры­яй: но­вая карт­ка да­зво­ліць ай­чын­най сіс­тэ­ме вый­сці на між­на­род­ны ры­нак. З яе да­па­мо­гай за мя­жой мож­на бу­дзе раз­ліч­вац­ца, спа­кой­на зды­маць гро­шы ў бан­ка­ма­тах — зу­сім як і ў Бе­ла­ру­сі. Праў­да, яна за­дар­ма да­вац­ца не бу­дзе. Але і да­ра­гой яе на­зваць нель­га. Так, сён­ня кошт карт­кі «БЕЛ­КАРТ-Maestro» тэр­мі­нам дзе­ян­ня ў тры га­ды скла­дае 50-60 ты­сяч руб­лёў.

— На­ват у су­свет­най прак­ты­цы гэ­тыя су­мес­ныя пра­ек­ты су­стра­ка­юц­ца ня­час­та, — га­во­рыць ды­рэк­тар та­ва­рыст­ва «Пла­цеж­ная сіс­тэ­ма БЕЛ­КАРТ» Аляк­сандр Сот­ні­каў. — Што ўжо ка­заць пра на­шу кра­і­ну, дзе праект з'яў­ля­ец­ца ўні­каль­ным... Але дзя­ку­ю­чы яму на­рэш­це бу­дзе раз­бу­ра­ны даў­ні стэ­рэа­тып аб тым, што карт­кі на­шай сіс­тэ­мы з'яў­ля­юц­ца вы­ключ­на зар­плат­ны­мі.

Асаб­лі­васць ка­бэй­джын­га­вай карт­кі яшчэ і ў тым, што яна бу­дзе ад­па­вя­даць усім сту­пе­ням аба­ро­ны па су­свет­ных стан­дар­тах. Акра­мя маг­ніт­най па­ла­сы, у яе бу­дзе ўбу­да­ва­ны чып. За­шыф­ра­ва­ную ін­фар­ма­цыю, якая ў ім зна­хо­дзіц­ца, ска­пі­ра­ваць зло­дзею амаль што не­маг­чы­ма.

Ад­нак ма­ла вы­пус­ціць карт­кі з чы­пам — трэ­ба яшчэ і пад­рых­та­ваць ад­па­вед­ную інф­ра­струк­ту­ру. Та­му ад усіх бан­каў-эк­ва­е­раў бу­дуць па­тра­ба­ваць, каб пра­грам­нае аб­ста­ля­ван­не, бан­ка­ма­ты, ін­фа­кі­ёс­кі і пла­цеж­ныя тэр­мі­на­лы з на­ступ­на­га го­да пра­ца­ва­лі з карт­ка­мі з мік­ра­пра­цэ­са­рам.

Бе­ла­рус­банк стаў пер­ша­пра­ход­цам у аб'­яд­нан­ні ай­чын­най і між­на­род­най пла­цеж­най сіс­тэм. Але што ра­біць клі­ен­там ін­шых бан­каў, якія ма­юць карт­ку «Бел­Карт»? Ці змо­гуць яны ад­чуць на са­бе зруч­насць но­ва­га сэр­ві­су?

— На­ша па­гад­нен­не з сіс­тэ­май MasterCard ад­кры­тае, — га­во­рыць Аляк­сандр Сот­ні­каў. — Тры буй­ныя бе­ла­рус­кія бан­кі ўжо іні­цы­я­ва­лі рас­пра­цоў­ку ана­ла­гіч­на­га пра­ек­та. Але па вя­до­мых пры­чы­нах мы па­куль іх на­зваць не мо­жам...

Ва­ляр'­ян ШКЛЕН­НІК.